ఏమి చూచేవు మా దిక్కు యివియే మేలు
(॥పల్లవి॥)
ఏమి చూచేవు మా దిక్కు యివియే మేలు
నీ మనసే యెరుఁగును నీవు సేసే మేలు
(॥ఏమి॥)
మాటకుమాటాడఁబోతే మరియెన్నైనాఁ గలవు
మోటుపెట్టి నేము నీకు మొక్కేదే మేలు
పాటించి సతులకెల్లా పైఁడికొంగువరచిన
మేటివి నిన్నెందుకైనా మెచ్చేదే మేలు
(॥ఏమి॥)
చేఁతకుఁజేఁత సేసితేఁ జిక్కులెన్నైనాఁ గలవు
నాఁతినింతే నిలుచుండి నవ్వేదేమేలు
కాఁతాళించి చెలులకే గద్దెవెట్టితివురము
పూఁతవలపులనిన్నుఁ బొగడేదే మేలు
(॥ఏమి॥)
సేసకును సేసచల్లఁ జేయికిఁ జేయి గలదు
పోసరించి నీకాఁగిటఁ బొందేదే మేలు
ఆల శ్రీవేంకటేశ అలమేల్మంగను నేను
మోసపోక కూడితిమి మోహములే మేలు
(||pallavi||)
emi sūsevu mā dikku yiviye melu
nī manase yĕrum̐gunu nīvu sese melu
(||emi||)
māḍagumāḍāḍam̐bode mariyĕnnainām̐ galavu
moḍubĕṭṭi nemu nīgu mŏkkede melu
pāḍiṁchi sadulagĕllā paim̐ḍigŏṁguvarasina
meḍivi ninnĕṁdugainā mĕchchede melu
(||emi||)
sem̐tagum̐jem̐ta sesidem̐ jikkulĕnnainām̐ galavu
nām̐tiniṁte nilusuṁḍi navvedemelu
kām̐tāḽiṁchi sĕlulage gaddĕvĕṭṭidivuramu
pūm̐tavalabulaninnum̐ bŏgaḍede melu
(||emi||)
sesagunu sesasallam̐ jeyigim̐ jeyi galadu
posariṁchi nīgām̐giḍam̐ bŏṁdede melu
āla śhrīveṁkaḍeśha alamelmaṁganu nenu
mosaboga kūḍidimi mohamule melu