ఏమి చూచే వాపెదిక్కు యెందాఁకాను
(॥పల్లవి॥)
ఏమి చూచే వాపెదిక్కు యెందాఁకాను
నేము సేసేపనిగాదు నెయ్యపు యీవేళను
(॥ఏమి॥)
చెలి నీతో నవ్వు నవ్వి చెక్కు లెల్లాఁ జెమరించె
వలిపె పావడఁ దుడువఁగరాదా
నిలువెల్లఁ బులకించె నీతో మంతనమాడి
చలివాయఁ బచ్చడ మిచ్చటఁ గప్పరాదా
(॥ఏమి॥)
కాంత నీపదాలు వాడి కడు దప్పిగొనె నిదె
యింతట మోవితేనియ లియ్యరాదా
చెంత నీపాదా లొత్తి సిగ్గునఁ గుమ్ముడి జారె
కాంతుఁడవు యింతటను కాఁగిలించరాదా
(॥ఏమి॥)
వనిత నీమోము చూచి వసివాడు వాడీ నదె
వెనుకొని నీవు తెర వేయరాదా
ఘనుఁడ శ్రీ వెంకటేశ కలసితి వింతలోనె
ననిచె నలమేల్మంగ నంటు సేయరాదా
(||pallavi||)
emi sūse vābĕdikku yĕṁdām̐kānu
nemu sesebanigādu nĕyyabu yīveḽanu
(||emi||)
sĕli nīdo navvu navvi sĕkku lĕllām̐ jĕmariṁchĕ
valibĕ pāvaḍam̐ duḍuvam̐garādā
niluvĕllam̐ bulagiṁchĕ nīdo maṁtanamāḍi
salivāyam̐ bachchaḍa michchaḍam̐ gapparādā
(||emi||)
kāṁta nībadālu vāḍi kaḍu dappigŏnĕ nidĕ
yiṁtaḍa movideniya liyyarādā
sĕṁta nībādā lŏtti siggunam̐ gummuḍi jārĕ
kāṁtum̐ḍavu yiṁtaḍanu kām̐giliṁcharādā
(||emi||)
vanida nīmomu sūsi vasivāḍu vāḍī nadĕ
vĕnugŏni nīvu tĕra veyarādā
ghanum̐ḍa śhrī vĕṁkaḍeśha kalasidi viṁtalonĕ
nanisĕ nalamelmaṁga naṁṭu seyarādā