(॥పల్లవి॥)
ఏమి సోద్యమిది యెంతయును వెరగాయ
ఈ మగువ విభుఁ గలయుటెట్లనో యనుచు
(॥ఏమి॥)
పొలసి నునుఁజెమటలుబ్బుచు నణంగుచునున్న-
చెలియభావము చూచి చెప్ప వెరపాయ
కలికి వలరాజు బింకపుశరము వాఁడిగా
పలుమరునుఁ బదనిడిన భావమో యనుచు
(॥ఏమి॥)
చలముకొని వేఁడి వెదచల్లు చూపులతోడి
నెలఁతఁ గని కట్టెదుర నిలువ వెరపాయ
చెలఁగి లోపలనున్న చిత్తజానలమెల్ల
వెలికి వెళ్ళుచు వెల్లివిరిసెనో యనుచు
(॥ఏమి॥)
తిరువేంకటేశుఁ బొందిన యింతిచనుదోయి-
కురునఖాంకములు గనుఁగొనఁగ వెరపాయ
తరుణినేఁపిన విధుఁడు దైవయోగమువలన
అరుదయిన శకలంబులా యనో యనుచు
(||pallavi||)
emi sodyamidi yĕṁtayunu vĕragāya
ī maguva vibhum̐ galayuḍĕṭlano yanusu
(||emi||)
pŏlasi nunum̐jĕmaḍalubbusu naṇaṁgusununna-
sĕliyabhāvamu sūsi sĕppa vĕrabāya
kaligi valarāju biṁkabuśharamu vām̐ḍigā
palumarunum̐ badaniḍina bhāvamo yanusu
(||emi||)
salamugŏni vem̐ḍi vĕdasallu sūbuladoḍi
nĕlam̐tam̐ gani kaṭṭĕdura niluva vĕrabāya
sĕlam̐gi lobalanunna sittajānalamĕlla
vĕligi vĕḽḽusu vĕllivirisĕno yanusu
(||emi||)
tiruveṁkaḍeśhum̐ bŏṁdina yiṁtisanudoyi-
kurunakhāṁkamulu ganum̐gŏnam̐ga vĕrabāya
taruṇinem̐pina vidhum̐ḍu daivayogamuvalana
arudayina śhagalaṁbulā yano yanusu