(॥పల్లవి॥)
ఏమి సేయువాఁడ నివి విరసమొకటొకటి
తామసం బొకవంక తత్వ మొకవంక
(॥ఏమి॥)
యితరోపాయరాహిత్యుండు గాఁడేని
అతిశయంబగు మోక్ష మది యబ్బదు
సతతోద్యోగానుచరితుండు గాఁడేని
వితతసంసారసుఖవిధి నడవదు
(॥ఏమి॥)
వివిధేంద్రియ విషయ విముఖుఁడు గాఁడేని
యివల వైష్ణవధర్మమిది యబ్బదు
అవిరళంబగు దేహానుపరణములేక
భవమాత్రమున సుకృతఫల మబ్బదు
(॥ఏమి॥)
పరమానందంసంపన్నుండు గాఁడేని
చరమవిజ్ఞాన నిశ్చలుఁడు గాఁడు
యిరవయిన శ్రీవేంకటేశ యిటువలె నీవు
కరుణించకున్న దుర్గతులచే భ్రమసీ
(||pallavi||)
emi seyuvām̐ḍa nivi virasamŏgaḍŏgaḍi
tāmasaṁ bŏgavaṁka tatva mŏgavaṁka
(||emi||)
yidarobāyarāhityuṁḍu gām̐ḍeni
adiśhayaṁbagu mokṣha madi yabbadu
sadadodyogānusariduṁḍu gām̐ḍeni
vidadasaṁsārasukhavidhi naḍavadu
(||emi||)
vividheṁdriya viṣhaya vimukhum̐ḍu gām̐ḍeni
yivala vaiṣhṇavadharmamidi yabbadu
aviraḽaṁbagu dehānubaraṇamulega
bhavamātramuna sukṛtaphala mabbadu
(||emi||)
paramānaṁdaṁsaṁpannuṁḍu gām̐ḍeni
saramavijñāna niśhchalum̐ḍu gām̐ḍu
yiravayina śhrīveṁkaḍeśha yiḍuvalĕ nīvu
karuṇiṁchagunna durgadulase bhramasī