(॥పల్లవి॥)
ఏమి సేయుదును నా కేది బుద్ధి యంతర్యామి
యీ మతులఁ జిక్కి నీచిత్తమునకు నెట్టుండునో యని చింతయ్యెడిని
(॥ఏమి॥)
కులగోత్రంబులు గుణశీలంబులు
తెలియఁగ గర్వోద్రేకములు
కలసి మెలఁగినఁ గలుగదు జ్ఞానము
తొలఁగిన లోకద్రోహంబు
(॥ఏమి॥)
మఱియు గృహారామక్షేత్రంబులు
జఱిగొను మాయాజనకములు
మఱవఁగ నివియే మదకారణములు
విఱిగిన సంసారవిరుద్ధము (?)
(॥ఏమి॥)
అనుపమ వ్రతకర్మానుష్టానము-
లెనలేని బంధహేతువులు
తనిసితి నింక నీదాస్యంబే గతి
ఘనుఁడవు శ్రీవేంకటనాథా
(||pallavi||)
emi seyudunu nā kedi buddhi yaṁtaryāmi
yī madulam̐ jikki nīsittamunagu nĕṭṭuṁḍuno yani siṁtayyĕḍini
(||emi||)
kulagotraṁbulu guṇaśhīlaṁbulu
tĕliyam̐ga garvodregamulu
kalasi mĕlam̐ginam̐ galugadu jñānamu
tŏlam̐gina logadrohaṁbu
(||emi||)
maṟiyu gṛhārāmakṣhetraṁbulu
jaṟigŏnu māyājanagamulu
maṟavam̐ga niviye madagāraṇamulu
viṟigina saṁsāraviruddhamu (?)
(||emi||)
anubama vradagarmānuṣhṭānamu-
lĕnaleni baṁdhaheduvulu
tanisidi niṁka nīdāsyaṁbe gadi
ghanum̐ḍavu śhrīveṁkaḍanāthā