ఏమి సేయవచ్చుఁ గర్మమిచ్చినంతేకాని లేదు
(॥పల్లవి॥)
ఏమి సేయవచ్చుఁ గర్మమిచ్చినంతేకాని లేదు
తాముసేసినంత వట్టు తమకుఁ బోరాదు
(॥ఏమి॥)
ఇట్టునట్టు మిట్టిపడ్డ యించుకంతా లేదు, వీఁపు
బట్టగట్ట మోపు మోఁచి పాటువడ్డా లేదు
తట్టువడ లోకమెల్ల దవ్వుకొనినా లేదు
తెట్టఁదెరువున నోరుదెరచినా లేదు
(॥ఏమి॥)
అడిగి పరులబదు కాసపడ్డా లేదు, భీతి
విడిచి నెత్తుటఁదోగి వీరుఁడైనా లేదు
అడవులెల్లాఁ దిరిగి అలమటించిన లేదు
యిడుమపాటుకుఁ జొచ్చి యియ్యకొన్నా లేదు
(॥ఏమి॥)
వచ్చివచ్చి వనితల వలపించుకొన్నా లేదు
మెచ్చులగుఱ్ఱము నెక్కి మెరసినా లేదు
యెచ్చరికఁ దిరువేంకటేశుఁ గొలువక వుంటే
యిచ్చటనచ్చట సుఖ మించుకంతా లేదు
(||pallavi||)
emi seyavachchum̐ garmamichchinaṁtegāni ledu
tāmusesinaṁta vaṭṭu tamagum̐ borādu
(||emi||)
iṭṭunaṭṭu miṭṭibaḍḍa yiṁchugaṁtā ledu, vīm̐pu
baṭṭagaṭṭa mobu mom̐si pāḍuvaḍḍā ledu
taṭṭuvaḍa logamĕlla davvugŏninā ledu
tĕṭṭam̐dĕruvuna norudĕrasinā ledu
(||emi||)
aḍigi parulabadu kāsabaḍḍā ledu, bhīdi
viḍisi nĕttuḍam̐dogi vīrum̐ḍainā ledu
aḍavulĕllām̐ dirigi alamaḍiṁchina ledu
yiḍumabāḍugum̐ jŏchchi yiyyagŏnnā ledu
(||emi||)
vachchivachchi vanidala valabiṁchugŏnnā ledu
mĕchchulaguṭramu nĕkki mĕrasinā ledu
yĕchcharigam̐ diruveṁkaḍeśhum̐ gŏluvaga vuṁṭe
yichchaḍanachchaḍa sukha miṁchugaṁtā ledu