(॥పల్లవి॥)
ఏమి సేయవచ్చు హరి యెలయించే మాయ లివి
వేమరు నాతనిఁ గొల్చి వీడుకొంట గాక
(॥ఏమి॥)
పాయమే పరచైతేఁ బట్టఁగ నెట్లవచ్చు
రోయుదాఁకా నందులోఁ దిరుగుటగాక
కాయపువోడ తప్పుగాలి విసరినవేళ
పోయినట్టే పోనిచ్చి పొనుఁగుటగాక
(॥ఏమి॥)
మనసే మలినమైతే మఱుఁగెట్టు సేయవచ్చు
వొనర విరతిదాఁక నోర్చుటగాక
తన యంతరంగపుటద్దము మాసితే నది
మినుకు విజ్ఞానాన మెరుఁగిచ్చుటగాక
(॥ఏమి॥)
మెచ్చునాలుకఁదీపు మింగ కెట్టుమానవచ్చు
కొచ్చి కొచ్చి సారె రుచిగొనుటగాక
నచ్చుల శ్రీ వేంకటేశు నామము నోరనుంటే
పచ్చి తనభాగ్యమంటా బ్రదుకుటగాక
(||pallavi||)
emi seyavachchu hari yĕlayiṁche māya livi
vemaru nādanim̐ gŏlsi vīḍugŏṁṭa gāga
(||emi||)
pāyame parasaidem̐ baṭṭam̐ga nĕṭlavachchu
royudām̐kā naṁdulom̐ diruguḍagāga
kāyabuvoḍa tappugāli visarinaveḽa
poyinaṭṭe ponichchi pŏnum̐guḍagāga
(||emi||)
manase malinamaide maṟum̐gĕṭṭu seyavachchu
vŏnara viradidām̐ka norsuḍagāga
tana yaṁtaraṁgabuḍaddamu māside nadi
minugu vijñānāna mĕrum̐gichchuḍagāga
(||emi||)
mĕchchunālugam̐dību miṁga kĕṭṭumānavachchu
kŏchchi kŏchchi sārĕ rusigŏnuḍagāga
nachchula śhrī veṁkaḍeśhu nāmamu noranuṁṭe
pachchi tanabhāgyamaṁṭā braduguḍagāga