(॥పల్లవి॥)
ఏమి సేయఁగవచ్చు నీశ్వరాధీనంబు
తామసపు బుద్ధి కంతలు దూరవలసె
(॥ఏమి॥)
తెగి దురాపేక్షఁబడ తివియ గతిలేదుగన
పగగొన్న వగలకూపములఁ బడవలసె
తగుమోహసలిలంబు దాఁట మతి లేదుగన
మగుడఁబడి భవముతో మల్లాడవలసె
(॥ఏమి॥)
పాపకర్మములఁ జంపఁగ శక్తిలేదుగన
కోపబుద్ధులచేత కొరమాలవలసె
రూపములఁ బొడగాంచి రోయఁదరిలేదుగన
తాపములచేఁ బొరలి తగులుగావలసె
(॥ఏమి॥)
తిరువేంకటాచలాధిపుఁగొలువలేదుగన
గరిమెచెడి విషయకింకరుఁడు గావలసె
పరతత్వమూర్తిఁ దలఁపఁగఁ బ్రొద్దులేదుగన
దొరతనం బుడిగి యాతురుఁడు గావలసె
(||pallavi||)
emi seyam̐gavachchu nīśhvarādhīnaṁbu
tāmasabu buddhi kaṁtalu dūravalasĕ
(||emi||)
tĕgi durābekṣham̐baḍa tiviya gadiledugana
pagagŏnna vagalagūbamulam̐ baḍavalasĕ
tagumohasalilaṁbu dām̐ṭa madi ledugana
maguḍam̐baḍi bhavamudo mallāḍavalasĕ
(||emi||)
pābagarmamulam̐ jaṁpam̐ga śhaktiledugana
kobabuddhulaseda kŏramālavalasĕ
rūbamulam̐ bŏḍagāṁchi royam̐dariledugana
tābamulasem̐ bŏrali tagulugāvalasĕ
(||emi||)
tiruveṁkaḍāsalādhibum̐gŏluvaledugana
garimĕsĕḍi viṣhayagiṁkarum̐ḍu gāvalasĕ
paradatvamūrdim̐ dalam̐pam̐gam̐ brŏdduledugana
dŏradanaṁ buḍigi yādurum̐ḍu gāvalasĕ