ఏమి సేయఁగలవార మెందుకు నౌదుము నేము
(॥పల్లవి॥)
ఏమి సేయఁగలవార మెందుకు నౌదుము నేము
శ్రీమాధవ నీవే దయఁ జిత్తగించు మమ్మును
(॥ఏమి॥)
వేసరక పుణ్యాలు గావించేదే యరుదుగాని
సేసేనంటే పాపములు చేతిలోనివే
గాసిలక చూచితేఁ జీఁకటైనా వెలుఁగౌఁగాని
వీసమంత మఱచినా వెలుఁగైనాఁ జీఁకటే
(॥ఏమి॥)
తెలివితో మోక్షము సాధించేదే యెక్కుడుగాని
అలయించే లోకములెన్నైనా గలవు
తలఁచితే నీరూపము తానే యెదుటనుండు
యిలఁ బరాకై వుండితే నెచ్చోటాఁ జిక్కదు
(॥ఏమి॥)
యీవల నీ దాఁసుడయ్యేది ఘనముగాని
దావతి రాజసాలంతటా నున్నవి
శ్రీవేంకటేశ్వర నీ సేవే ధ్రువపదము
దేవతాంతరమెల్లా దిగ్గుడుకు దిగ్గుడు
(||pallavi||)
emi seyam̐galavāra mĕṁdugu naudumu nemu
śhrīmādhava nīve dayam̐ jittagiṁchu mammunu
(||emi||)
vesaraga puṇyālu gāviṁchede yarudugāni
sesenaṁṭe pābamulu sedilonive
gāsilaga sūsidem̐ jīm̐kaḍainā vĕlum̐gaum̐gāni
vīsamaṁta maṟasinā vĕlum̐gainām̐ jīm̐kaḍe
(||emi||)
tĕlivido mokṣhamu sādhiṁchede yĕkkuḍugāni
alayiṁche logamulĕnnainā galavu
talam̐side nīrūbamu tāne yĕduḍanuṁḍu
yilam̐ barāgai vuṁḍide nĕchchoḍām̐ jikkadu
(||emi||)
yīvala nī dām̐suḍayyedi ghanamugāni
dāvadi rājasālaṁtaḍā nunnavi
śhrīveṁkaḍeśhvara nī seve dhruvabadamu
devadāṁtaramĕllā digguḍugu digguḍu