(॥పల్లవి॥)
ఏమి సేయఁగలవాఁడ నిదివో నేను
నీమరఁగు చొచ్చితిఁగా నీచిత్త మిఁకను
(॥ఏమి॥)
పుట్టినవాఁడను నేను భోగించేవాఁడను నేను
గట్టిగా నిప్పుడు నాకుఁ గర్తవు నీవు
పట్టరాదు జవ్వనము పాయరాదు సంసారము
యిట్టి వెల్ల నీమాయ యేమీ ననరాదు
(॥ఏమి॥)
కడుఁగాంక్షలు నాసొమ్ము కర్మములు నాసొమ్ము
నడమ నంతర్యామివి నాకు నీవు
వుడివోవు కోరికలు వొదుగదు కోపము
కడదాఁకా నీమహిమ కాదనరాదు
(॥ఏమి॥)
భావించలేనివాఁడను ప్రకృతిలోనివాఁడను
శ్రీవేంకటేశ దయ సేసితివి నీవు
తోవదప్పదు జ్ఞానము తొలఁగదు వివేకము
దేవుఁడవు నీమర్మము తెలియఁగరాదు
(||pallavi||)
emi seyam̐galavām̐ḍa nidivo nenu
nīmaram̐gu sŏchchidim̐gā nīsitta mim̐kanu
(||emi||)
puṭṭinavām̐ḍanu nenu bhogiṁchevām̐ḍanu nenu
gaṭṭigā nippuḍu nāgum̐ gardavu nīvu
paṭṭarādu javvanamu pāyarādu saṁsāramu
yiṭṭi vĕlla nīmāya yemī nanarādu
(||emi||)
kaḍum̐gāṁkṣhalu nāsŏmmu karmamulu nāsŏmmu
naḍama naṁtaryāmivi nāgu nīvu
vuḍivovu korigalu vŏdugadu kobamu
kaḍadām̐kā nīmahima kādanarādu
(||emi||)
bhāviṁchalenivām̐ḍanu prakṛtilonivām̐ḍanu
śhrīveṁkaḍeśha daya sesidivi nīvu
tovadappadu jñānamu tŏlam̐gadu vivegamu
devum̐ḍavu nīmarmamu tĕliyam̐garādu