(॥పల్లవి॥)
ఏమి సేయఁగలఁడు తానీ జగమెల్లాను
కోమలపు దేహి కొక్కకోకే కలది
(॥ఏమి॥)
మించిన కోరికలివి మిన్నుల పొడవులు
కొంచపు దేహము దనకొలఁది గాదు
యెంచరాని సిరు లవి యెన్ని గలిగినా
కంచములోని కూడే కలిగినది
(॥ఏమి॥)
గోరపడి గడించేవి కోట్ల కొలఁదులు
తారితూరి నోటికిఁ దగ్గంత గాదు
యేరుపరచి యింతుల నెందరిఁ బెండ్లాడినాను
కూరిమి సతి యొకతె కూటమికిఁ గలది
(॥ఏమి॥)
తలఁచి మొక్కే సురలు తలవెంట్రుకలందరు
యిలఁ దన బతుకెంతో యెరఁగరాదు
చెలఁగి రక్షించేవాఁడు శ్రీవేంకటేశుఁ డొకఁడే
కల డంతరంగమునఁ గైవల్యమే కలది
(||pallavi||)
emi seyam̐galam̐ḍu tānī jagamĕllānu
komalabu dehi kŏkkagoge kaladi
(||emi||)
miṁchina korigalivi minnula pŏḍavulu
kŏṁchabu dehamu danagŏlam̐di gādu
yĕṁcharāni siru lavi yĕnni galiginā
kaṁchamuloni kūḍe kaliginadi
(||emi||)
gorabaḍi gaḍiṁchevi koṭla kŏlam̐dulu
tāridūri noḍigim̐ daggaṁta gādu
yerubarasi yiṁtula nĕṁdarim̐ bĕṁḍlāḍinānu
kūrimi sadi yŏgadĕ kūḍamigim̐ galadi
(||emi||)
talam̐si mŏkke suralu talavĕṁṭrugalaṁdaru
yilam̐ dana badugĕṁto yĕram̐garādu
sĕlam̐gi rakṣhiṁchevām̐ḍu śhrīveṁkaḍeśhum̐ ḍŏgam̐ḍe
kala ḍaṁtaraṁgamunam̐ gaivalyame kaladi