(॥పల్లవి॥)
ఏమి సేయఁగలమయ్య యేలికయ్య
సోముని కళల మోము చూడకుంటేఁ జూడవు
(॥ఏమి॥)
చెలి చక్కనిది గాదో చిత్త మేమి రాదో
కొలఁది మీఱిన నీపై కూరిమి లేదో
ఎల జవ్వనము కొల్ల లీదో వాదొ
ఒలసీనొల్లముల నీ వొల్లకుంటే నొల్లవు
(॥ఏమి॥)
మరుఁ డేమి మతిలేఁడొ మఱచి వున్నాఁడొ
గరిమల విలుకాఁడు గాఁడో లేఁడో
దొరకుం జెఱకు విల్లు తూఁడో యేఁడో
సిరుల నీచిత్త మిది చేరకుంటేఁ జేరదు
(॥ఏమి॥)
మ్రొక్కనిదే చలమో మోహ మేమి ఖిలమో
పక్కం బాసినందు కేమిఫలమో
యెక్కువ వేంకటరాయ యేతులేని పొలమో
మిక్కిలైతి విందాఁక మెచ్చకుంటే మెచ్చవు
(||pallavi||)
emi seyam̐galamayya yeligayya
somuni kaḽala momu sūḍaguṁṭem̐ jūḍavu
(||emi||)
sĕli sakkanidi gādo sitta memi rādo
kŏlam̐di mīṟina nībai kūrimi ledo
ĕla javvanamu kŏlla līdo vādŏ
ŏlasīnŏllamula nī vŏllaguṁṭe nŏllavu
(||emi||)
marum̐ ḍemi madilem̐ḍŏ maṟasi vunnām̐ḍŏ
garimala vilugām̐ḍu gām̐ḍo lem̐ḍo
dŏraguṁ jĕṟagu villu tūm̐ḍo yem̐ḍo
sirula nīsitta midi seraguṁṭem̐ jeradu
(||emi||)
mrŏkkanide salamo moha memi khilamo
pakkaṁ bāsinaṁdu kemiphalamo
yĕkkuva veṁkaḍarāya yeduleni pŏlamo
mikkilaidi viṁdām̐ka mĕchchaguṁṭe mĕchchavu