ఏమి సేసేరో తాము యిద్దరమూ నేకము
(॥పల్లవి॥)
ఏమి సేసేరో తాము యిద్దరమూ నేకము
కామించి తామెంత నన్ను గరిశించేరు
(॥ఏమి॥)
అప్పుడు నీవును నేను నాడుకొన్న మాటలే
చెప్పుమనుచును సారెఁ జెలులనేరు
చిప్పిల సరికిబేసిఁ జెనకిన చెనకులే
చొప్పులెత్తి తమకెల్లాఁ జూపుమనేరు
(॥ఏమి॥)
నంటున మనమిక్కడ నవ్వినట్టి నవ్వులే
వొంటినుండి యీడనాతోనూహించేరు
జంటలఁ జెల్లించుకొన్న సరసపు చనవులే
వెంటవెంట వచ్చి వచ్చి వెలుచుకొనేరు
(॥ఏమి॥)
వాడికెనొండొరులము వలచిన వలపులే
కోడి యెరుకలు సేసికొన వచ్చేరు
యీడనె శ్రీవేంకటేశ యెనసితి మింతలోనే
వీడెమిచ్చేమని యిట్టే వేగిరించేరు
(||pallavi||)
emi sesero tāmu yiddaramū negamu
kāmiṁchi tāmĕṁta nannu gariśhiṁcheru
(||emi||)
appuḍu nīvunu nenu nāḍugŏnna māḍale
sĕppumanusunu sārĕm̐ jĕlulaneru
sippila sarigibesim̐ jĕnagina sĕnagule
sŏppulĕtti tamagĕllām̐ jūbumaneru
(||emi||)
naṁṭuna manamikkaḍa navvinaṭṭi navvule
vŏṁṭinuṁḍi yīḍanādonūhiṁcheru
jaṁṭalam̐ jĕlliṁchugŏnna sarasabu sanavule
vĕṁṭavĕṁṭa vachchi vachchi vĕlusugŏneru
(||emi||)
vāḍigĕnŏṁḍŏrulamu valasina valabule
koḍi yĕrugalu sesigŏna vachcheru
yīḍanĕ śhrīveṁkaḍeśha yĕnasidi miṁtalone
vīḍĕmichchemani yiṭṭe vegiriṁcheru