(॥పల్లవి॥)
ఏమి చెప్పేదిది యీశ్వరమాయలు
దీము ప్రతిమకును త్రిజగము గలిగె
(॥ఏమి॥)
మలమూత్రంబుల మాంసపుముద్దకు
కులగోత్రంబుల గుఱి గలిగె
తొలులు తొమ్మిదగు తోలుఁదిత్తికిని
పిలువఁగఁ బేరును బెంపునుఁ గలిగె
(॥ఏమి॥)
నెత్తురునెమ్ముల నీరుబుగ్గకును
హత్తిన కర్మము లటు గలగె
కొత్తవెంట్రుకల గుబురుల గంతికి
పొత్తుల సంసారభోగము గలిగె
(॥ఏమి॥)
నానాముఖముల నరముల పిడుచకు
పూనిన సిగ్గులు భువిఁ గలిగె
ఆనుక శ్రీవేంకటాధిపుఁ డేలఁగ
దీనికిఁ బ్రాణము తిరముగఁ గలిగె
(||pallavi||)
emi sĕppedidi yīśhvaramāyalu
dīmu pradimagunu trijagamu galigĕ
(||emi||)
malamūtraṁbula māṁsabumuddagu
kulagotraṁbula guṟi galigĕ
tŏlulu tŏmmidagu tolum̐dittigini
piluvam̐gam̐ berunu bĕṁpunum̐ galigĕ
(||emi||)
nĕtturunĕmmula nīrubuggagunu
hattina karmamu laḍu galagĕ
kŏttavĕṁṭrugala guburula gaṁtigi
pŏttula saṁsārabhogamu galigĕ
(||emi||)
nānāmukhamula naramula piḍusagu
pūnina siggulu bhuvim̐ galigĕ
ānuga śhrīveṁkaḍādhibum̐ ḍelam̐ga
dīnigim̐ brāṇamu tiramugam̐ galigĕ