ఏమి చెప్పేది ప్రతాప మెట్టి విలుకాఁ డితఁడు
(॥పల్లవి॥)
ఏమి చెప్పేది ప్రతాప మెట్టి విలుకాఁ డితఁడు
రాముఁడు వీఁడే మొక్కుఁడు రణరంగధీరుఁడు
(॥ఏమి॥)
విడిసెఁ గపిబలము వెస సముద్రము దరి
నడచె లంకపైఁ బౌఁజు నానాగతుల
తొడిగె రాముఁడు వింట దొనలోని బ్రహ్మాస్త్రము
పడె రావణుతలలు పంక్తులై ధరణిని
(॥ఏమి॥)
చొచ్చిరి లంకలోను సుగ్రీవాంగదాదులు
తెచ్చిరి రాకాసి చెర తెప్పలుగాను
యిచ్చిరి జయధ్వనులు యింద్రాదిదేవతలు
మెచ్చిరందరు సీతాసమేతుఁడాయ నితఁడు
(॥ఏమి॥)
మగుడెఁ బుష్పకముపై మహిమ నీతనిదండు
తగఁ బట్టము తా నేలె తమ్ములతోను
అగపడి శ్రీవేంకటాద్రిపై నిల్చె నితఁడు
జగదేకమూర్తి కౌసల్యాసుతుఁ డిపుడు
(||pallavi||)
emi sĕppedi pradāba mĕṭṭi vilugām̐ ḍidam̐ḍu
rāmum̐ḍu vīm̐ḍe mŏkkum̐ḍu raṇaraṁgadhīrum̐ḍu
(||emi||)
viḍisĕm̐ gabibalamu vĕsa samudramu dari
naḍasĕ laṁkabaim̐ baum̐ju nānāgadula
tŏḍigĕ rāmum̐ḍu viṁṭa dŏnaloni brahmāstramu
paḍĕ rāvaṇudalalu paṁktulai dharaṇini
(||emi||)
sŏchchiri laṁkalonu sugrīvāṁgadādulu
tĕchchiri rāgāsi sĕra tĕppalugānu
yichchiri jayadhvanulu yiṁdrādidevadalu
mĕchchiraṁdaru sīdāsamedum̐ḍāya nidam̐ḍu
(||emi||)
maguḍĕm̐ buṣhpagamubai mahima nīdanidaṁḍu
tagam̐ baṭṭamu tā nelĕ tammuladonu
agabaḍi śhrīveṁkaḍādribai nilsĕ nidam̐ḍu
jagadegamūrdi kausalyāsudum̐ ḍibuḍu