ఏమి చెప్పేది నీ నేర్పు యెంతవాఁడవు
(॥పల్లవి॥)
ఏమి చెప్పేది నీ నేర్పు యెంతవాఁడవు
వామి వలపొక్కమాటే వారవట్టేవా
(॥ఏమి॥)
దగ్గరి రాదంటాను తరుణినేల తిట్టేవు
సిగ్గులు వడఁగవద్దా చిన్నదానికి
వెగ్గళించే ఱట్టుడుల వేమారుఁ బొంది పొంది
యెగ్గులు నెమ్మెలు నేఁడు యీడఁజూపేవా
(॥ఏమి॥)
ఉరుటుగాఁ జూడదంటానువిదనేల జంకించేవు
శిరసు వంచఁగవద్దా చిన్నదానికి
వెరవైన సతులతో వేమారు నవ్వి నవ్వి
యిరవైన అలవాట్లీడఁ జేసేవా
(॥ఏమి॥)
చన్నులవొత్తదంటాను సతినేల జరసేవు
చెన్నుమీర మొక్కవద్దా చిన్నదానికి
యిన్నిటా శ్రీ వేంకటేశ యీపెఁగూడి వురముపై
యెన్నికమీరఁ బెట్టుక యింపుచల్లేవా
(||pallavi||)
emi sĕppedi nī nerbu yĕṁtavām̐ḍavu
vāmi valabŏkkamāḍe vāravaṭṭevā
(||emi||)
daggari rādaṁṭānu taruṇinela tiṭṭevu
siggulu vaḍam̐gavaddā sinnadānigi
vĕggaḽiṁche ṟaṭṭuḍula vemārum̐ bŏṁdi pŏṁdi
yĕggulu nĕmmĕlu nem̐ḍu yīḍam̐jūbevā
(||emi||)
uruḍugām̐ jūḍadaṁṭānuvidanela jaṁkiṁchevu
śhirasu vaṁcham̐gavaddā sinnadānigi
vĕravaina sadulado vemāru navvi navvi
yiravaina alavāṭlīḍam̐ jesevā
(||emi||)
sannulavŏttadaṁṭānu sadinela jarasevu
sĕnnumīra mŏkkavaddā sinnadānigi
yinniḍā śhrī veṁkaḍeśha yībĕm̐gūḍi vuramubai
yĕnnigamīram̐ bĕṭṭuga yiṁpusallevā