ఏమి సేతుఁ జెప్పవయ్యా యెందుకౌదును
(॥పల్లవి॥)
ఏమి సేతుఁ జెప్పవయ్యా యెందుకౌదును
వేమరు నా మొగమోట విడువఁగఁ గలనా
(॥ఏమి॥)
చెక్కులు నొక్కితివంటా చేరి వేఁడుకొంటివంటా
పక్కన నీసతులకుఁ బంతమిత్తురా
మిక్కిలి వలపునాది మీఁద మదనుఁడు పోది
వొక్కమారు నిన్నుఁబాసి వోరువఁగఁ గలనా
(॥ఏమి॥)
కమ్మటి నవ్వితివంటా కన్ను గిరిపతివంటా
దొమ్మికాంతలతోడఁబొత్తు గలతురా
నమ్మితి నేనీబాస నాదే మదినడియాస
యెమ్మెలకైనా నీతో యెదురాడఁగలనా
(॥ఏమి॥)
సరసమాడితివంటా చనవులిచ్చితివంటా
సరివారికి మొక్కి వంచనసేతురా
గరిమ శ్రీవేంకటేశ కాఁగిలి నన్నింతసేసె
అరసి నన్నేలితివి అవుఁగాదనఁగలనా
(||pallavi||)
emi sedum̐ jĕppavayyā yĕṁdugaudunu
vemaru nā mŏgamoḍa viḍuvam̐gam̐ galanā
(||emi||)
sĕkkulu nŏkkidivaṁṭā seri vem̐ḍugŏṁṭivaṁṭā
pakkana nīsadulagum̐ baṁtamitturā
mikkili valabunādi mīm̐da madanum̐ḍu podi
vŏkkamāru ninnum̐bāsi voruvam̐gam̐ galanā
(||emi||)
kammaḍi navvidivaṁṭā kannu giribadivaṁṭā
dŏmmigāṁtaladoḍam̐bŏttu galadurā
nammidi nenībāsa nāde madinaḍiyāsa
yĕmmĕlagainā nīdo yĕdurāḍam̐galanā
(||emi||)
sarasamāḍidivaṁṭā sanavulichchidivaṁṭā
sarivārigi mŏkki vaṁchanasedurā
garima śhrīveṁkaḍeśha kām̐gili nanniṁtasesĕ
arasi nannelidivi avum̐gādanam̐galanā