(॥పల్లవి॥)
ఏమి సేతు నాగుణ మీపాటిది
కామించి నీవుగాఁగాఁ గైకొనేవు గాని
(॥ఏమి॥)
ననుపు నటించఁగానె నంటు నీతో నైతిఁగాని
పెనఁగితేఁ గడుఁ గడు పెలుచ నేను
మనసు నమ్మించఁగానె మారుమాట లాడఁ గాని
ఘనమై మీరి వచ్చితె గబ్బిదాన నేను
(॥ఏమి॥)
సలిగె చెల్లించఁగానె సరుసమాడేఁ గాని
మలసితే నంతకంటె మంకను నేను
చలివాసి నవ్వఁగానె సంతోసించుకొంటిఁ గాని
సొలసి కపటమైతె జూటుదాన నేను
(॥ఏమి॥)
కైవసము గాఁగానె కరఁగి మెచ్చితిఁ గాని
మూవంకలు మెట్టితేనె మొక్కలి నేను
శ్రీవెంకటేశ నీవు చేరి కూడఁగానె కాని
సోవలుగా మొరఁగితే జూజరి నేను
(||pallavi||)
emi sedu nāguṇa mībāḍidi
kāmiṁchi nīvugām̐gām̐ gaigŏnevu gāni
(||emi||)
nanubu naḍiṁcham̐gānĕ naṁṭu nīdo naidim̐gāni
pĕnam̐gidem̐ gaḍum̐ gaḍu pĕlusa nenu
manasu nammiṁcham̐gānĕ mārumāḍa lāḍam̐ gāni
ghanamai mīri vachchidĕ gabbidāna nenu
(||emi||)
saligĕ sĕlliṁcham̐gānĕ sarusamāḍem̐ gāni
malaside naṁtagaṁṭĕ maṁkanu nenu
salivāsi navvam̐gānĕ saṁtosiṁchugŏṁṭim̐ gāni
sŏlasi kabaḍamaidĕ jūḍudāna nenu
(||emi||)
kaivasamu gām̐gānĕ karam̐gi mĕchchidim̐ gāni
mūvaṁkalu mĕṭṭidenĕ mŏkkali nenu
śhrīvĕṁkaḍeśha nīvu seri kūḍam̐gānĕ kāni
sovalugā mŏram̐gide jūjari nenu