ఏమి నేరుచుకొంటి వింతేసి నీవు
(॥పల్లవి॥)
ఏమి నేరుచుకొంటి వింతేసి నీవు
కామిను లీసుద్దివింటే కాఁక నిన్ను రేఁచరా
(॥ఏమి॥)
కలసి మెలసి యిట్టే కాంత నిన్ను వేఁడుకోఁగా
అలసి వున్నాఁడనంటా నట్టె వీఁగేవు
వలచిన సతి గాఁగా వడిఁ గిందుపడెఁ గాక
పెలుచు వేరొక్కతయితే పెను ఱట్టుసేయదా
(॥ఏమి॥)
యిచ్చకములే సేసి యింతి నిన్నుఁ జెనకఁగా
కొచ్చకుమీ మేనంటా గుట్టు సేసేవు
నిచ్చ నీదేవులు గాఁగా నేరమెంచదాయఁ గాక
పచ్చిగా వేరొక్కతైతే బలిమెల్లాఁ జూపదా
(॥ఏమి॥)
కందువకు నిన్నుఁ బిలిచి కలికి నిన్నుఁ గూడఁగా
అందముగాఁ బరవశమైతిననేవు
యిందునె శ్రీవేంకటేశ యీకె నీవు గాఁగాఁ గాక
సందడి వేరొక్కతైతే చనవు మెరయదా
(||pallavi||)
emi nerusugŏṁṭi viṁtesi nīvu
kāminu līsuddiviṁṭe kām̐ka ninnu rem̐sarā
(||emi||)
kalasi mĕlasi yiṭṭe kāṁta ninnu vem̐ḍugom̐gā
alasi vunnām̐ḍanaṁṭā naṭṭĕ vīm̐gevu
valasina sadi gām̐gā vaḍim̐ giṁdubaḍĕm̐ gāga
pĕlusu verŏkkadayide pĕnu ṟaṭṭuseyadā
(||emi||)
yichchagamule sesi yiṁti ninnum̐ jĕnagam̐gā
kŏchchagumī menaṁṭā guṭṭu sesevu
nichcha nīdevulu gām̐gā neramĕṁchadāyam̐ gāga
pachchigā verŏkkadaide balimĕllām̐ jūbadā
(||emi||)
kaṁduvagu ninnum̐ bilisi kaligi ninnum̐ gūḍam̐gā
aṁdamugām̐ baravaśhamaidinanevu
yiṁdunĕ śhrīveṁkaḍeśha yīgĕ nīvu gām̐gām̐ gāga
saṁdaḍi verŏkkadaide sanavu mĕrayadā