(॥పల్లవి॥)
ఏమి మందు గద్దె యింతులాల । యీ ।
రామకుఁ దిరుపతి రాముడే మందు
(॥ఏమి॥)
వెలసెటి విరహన వేఁగెటియింతికి
చెలియలాల యేమి సేతమే
చలివేఁడివలపుల చవి గన్న యీపెకు
వలపించిన తనవరుఁడే మందు
(॥ఏమి॥)
పొదిగొన్న తమకానఁ బొరలెటి కాంతకు
చెదరక మన మేమి సేతమే
వుదుటుఁ గోరికల నొనరెటి యీపెకు
మదిలోపలి తనమగఁడే మందు
(॥ఏమి॥)
పొల్లవోని యాసఁ బొరలెటి మగువకు
చెల్లఁ బో మన మేమి సేతమే
కొల్లగా రతి నింతిఁ గూడినాఁడీపెకు
నల్లని శ్రీవెంకటనాథుఁడే మందు.
(||pallavi||)
emi maṁdu gaddĕ yiṁtulāla | yī |
rāmagum̐ dirubadi rāmuḍe maṁdu
(||emi||)
vĕlasĕḍi virahana vem̐gĕḍiyiṁtigi
sĕliyalāla yemi sedame
salivem̐ḍivalabula savi ganna yībĕgu
valabiṁchina tanavarum̐ḍe maṁdu
(||emi||)
pŏdigŏnna tamagānam̐ bŏralĕḍi kāṁtagu
sĕdaraga mana memi sedame
vuduḍum̐ gorigala nŏnarĕḍi yībĕgu
madilobali tanamagam̐ḍe maṁdu
(||emi||)
pŏllavoni yāsam̐ bŏralĕḍi maguvagu
sĕllam̐ bo mana memi sedame
kŏllagā radi niṁtim̐ gūḍinām̐ḍībĕgu
nallani śhrīvĕṁkaḍanāthum̐ḍe maṁdu.