ఏమి గట్టుకొనేవయ్య యిందువంకను
(॥పల్లవి॥)
ఏమి గట్టుకొనేవయ్య యిందువంకను
కామినుల నింతసేయఁ గడు దోసమనరా
(॥ఏమి॥)
కమ్మి నీకు మోహించి కానుకియ్యఁగాని వట్టి
కొమ్మల నిమ్మపండ్లందుకొమ్మందురా
వుమ్మడిఁ జూచినవారు వొల్లనాలు గాఁగాను
యెమ్మెలకిప్పుడితఁడింత సేసెననరా
(॥ఏమి॥)
అప్పటినుండియు నేనాకు మడిచియ్యఁగాను
దెప్పరమీతమ్మ వొక్కతెకిడుదురా
కప్పితోడివారీపెపై చప్పని వలపు గాఁగా
చిప్పిలి యింతేసి కాకు సేసెనితఁడనరా
(॥ఏమి॥)
కైకొని శ్రీ వేంకటేశ కౌఁగిటఁ గూడుండఁగా
ఆకడనొక్కతె మాటలాలకింతురా
ఈకడ విన్నవారెల్లా నిది మేలుదిగాఁగాను
దీకొని యీతఁడు తరితీపు సేసెననరా
(||pallavi||)
emi gaṭṭugŏnevayya yiṁduvaṁkanu
kāminula niṁtaseyam̐ gaḍu dosamanarā
(||emi||)
kammi nīgu mohiṁchi kānugiyyam̐gāni vaṭṭi
kŏmmala nimmabaṁḍlaṁdugŏmmaṁdurā
vummaḍim̐ jūsinavāru vŏllanālu gām̐gānu
yĕmmĕlagippuḍidam̐ḍiṁta sesĕnanarā
(||emi||)
appaḍinuṁḍiyu nenāgu maḍisiyyam̐gānu
dĕpparamīdamma vŏkkadĕgiḍudurā
kappidoḍivārībĕbai sappani valabu gām̐gā
sippili yiṁtesi kāgu sesĕnidam̐ḍanarā
(||emi||)
kaigŏni śhrī veṁkaḍeśha kaum̐giḍam̐ gūḍuṁḍam̐gā
āgaḍanŏkkadĕ māḍalālagiṁturā
īgaḍa vinnavārĕllā nidi meludigām̐gānu
dīgŏni yīdam̐ḍu taridību sesĕnanarā