(॥పల్లవి॥)
ఏమి గలిగెను మా కిందువలన
వేమారుఁ బొరలితిమి వెఱ్ఱిగొన్నట్లు
(॥ఏమి॥)
తటతటన నీటిమీఁదట నాలజాలంబు-
లిటునటుఁ జరించవా యీఁది యీఁది
అటువలెనెపో తమకమంది సంసారంపు-
ఘటనకై తిరిగితిమి కడ గానలేక
(॥ఏమి॥)
దట్టముగఁ బారావతముల మిన్నుల మోవ
కొట్టఁగొన కెక్కవా కూడి కూడి
వట్టియాసలనే యిటువలెనేపో యిన్నాళ్ళు
బట్ట బయ లీఁదితిమి పనిలేనిపాట
(॥ఏమి॥)
బెరసి కుమ్మరపురువు పేఁడలోపలనెల్ల
పొరలదా పలుమారుఁ బోయిపోయి
వరుస జన్మముల నటువలెనె పొరలితిమి
తిరువేంకటాచలాధిపుఁ దలఁచలేక
(||pallavi||)
emi galigĕnu mā kiṁduvalana
vemārum̐ bŏralidimi vĕṭrigŏnnaṭlu
(||emi||)
taḍadaḍana nīḍimīm̐daḍa nālajālaṁbu-
liḍunaḍum̐ jariṁchavā yīm̐di yīm̐di
aḍuvalĕnĕbo tamagamaṁdi saṁsāraṁpu-
ghaḍanagai tirigidimi kaḍa gānalega
(||emi||)
daṭṭamugam̐ bārāvadamula minnula mova
kŏṭṭam̐gŏna kĕkkavā kūḍi kūḍi
vaṭṭiyāsalane yiḍuvalĕnebo yinnāḽḽu
baṭṭa baya līm̐didimi panilenibāḍa
(||emi||)
bĕrasi kummaraburuvu pem̐ḍalobalanĕlla
pŏraladā palumārum̐ boyiboyi
varusa janmamula naḍuvalĕnĕ pŏralidimi
tiruveṁkaḍāsalādhibum̐ dalam̐salega