ఏమి దలఁచుకొంటివి యేమిపని సేసితివి
(॥పల్లవి॥)
ఏమి దలఁచుకొంటివి యేమిపని సేసితివి
గామిడి నీచేఁతలకు కాంతాళాలు రేఁగవా
(॥ఏమి॥)
మంతనమాడి నమ్మించి మరఁగున నన్నుఁబెట్టి
ఇంతలో నాకె వద్దికి నెట్టువోతివి
వింతవారు నవ్వేరని వెరపుమానితేఁ బోనీ
దొంతర నీ బాసలకు దోసమైనా ముట్టునా
(॥ఏమి॥)
కత చెప్పి నిద్ర పుచ్చి కడు నన్నెరఁగకుండా
రతినెట్టు గూడితివారామ నీడనే
మతిలో వెత లేకుంటే మాననీ దీనిపట్టుకు
కితకుఁడవనే అపకీరితైనాఁ బుట్టదా
(॥ఏమి॥)
యీకడ ననుఁగూడి యెంగిలితోనే పోయి
వాకిట నాపెఁగూడి వచ్చితివిట్టే
చేకొని శ్రీవెంకటేశ సిగ్గులేకుంటే మాననీ
దాకొని యిరువంకల దగయైనాఁ దొట్టుదా
(||pallavi||)
emi dalam̐sugŏṁṭivi yemibani sesidivi
gāmiḍi nīsem̐talagu kāṁtāḽālu rem̐gavā
(||emi||)
maṁtanamāḍi nammiṁchi maram̐guna nannum̐bĕṭṭi
iṁtalo nāgĕ vaddigi nĕṭṭuvodivi
viṁtavāru navverani vĕrabumānidem̐ bonī
dŏṁtara nī bāsalagu dosamainā muṭṭunā
(||emi||)
kada sĕppi nidra puchchi kaḍu nannĕram̐gaguṁḍā
radinĕṭṭu gūḍidivārāma nīḍane
madilo vĕda leguṁṭe mānanī dīnibaṭṭugu
kidagum̐ḍavane abagīridainām̐ buṭṭadā
(||emi||)
yīgaḍa nanum̐gūḍi yĕṁgilidone poyi
vāgiḍa nābĕm̐gūḍi vachchidiviṭṭe
segŏni śhrīvĕṁkaḍeśha sigguleguṁṭe mānanī
dāgŏni yiruvaṁkala dagayainām̐ dŏṭṭudā