ఏమి భాగ్యముననో యిటు విచ్చేసితి గాక
(॥పల్లవి॥)
ఏమి భాగ్యముననో యిటు విచ్చేసితి గాక
వోమి నీ యవసరము వొకరికి నబ్బునా
(॥ఏమి॥)
కడు విరహినై నిన్నుఁ గన్నులఁ జూచేమంటేను
వడదేరి కొలువు చావడినుందువు
తడవి అక్కడికైన దగ్గరేనంటే నిన్ను
యెడసి నావంటివారు ఎందరైనా వత్తురు
(॥ఏమి॥)
పక్కన నే నీకు విన్నపము సేసుకొనేనంటే
యెక్కడ లేని పరాకు యెప్పుడు నీకు
చెక్కు వట్టి తీసి నిన్ను చేతనెచ్చరించేనంటే
వెక్కసాన నట్టివారు వేవేలు గలరు
(॥ఏమి॥)
పారితెంచి నే నిన్ను బలిమిఁ గూడేనంటే
నేరుతు రందుకుఁ దగు నెపములెల్లా
కోరి శ్రీ వేంకటేశుఁడ కూడితివి నన్ను నిట్టె
యీరీతి నలమేల్మంగను యిందరుఁ జుట్టాలే
(||pallavi||)
emi bhāgyamunano yiḍu vichchesidi gāga
vomi nī yavasaramu vŏgarigi nabbunā
(||emi||)
kaḍu virahinai ninnum̐ gannulam̐ jūsemaṁṭenu
vaḍaderi kŏluvu sāvaḍinuṁduvu
taḍavi akkaḍigaina daggarenaṁṭe ninnu
yĕḍasi nāvaṁṭivāru ĕṁdarainā vatturu
(||emi||)
pakkana ne nīgu vinnabamu sesugŏnenaṁṭe
yĕkkaḍa leni parāgu yĕppuḍu nīgu
sĕkku vaṭṭi tīsi ninnu sedanĕchchariṁchenaṁṭe
vĕkkasāna naṭṭivāru vevelu galaru
(||emi||)
pāridĕṁchi ne ninnu balimim̐ gūḍenaṁṭe
nerudu raṁdugum̐ dagu nĕbamulĕllā
kori śhrī veṁkaḍeśhum̐ḍa kūḍidivi nannu niṭṭĕ
yīrīdi nalamelmaṁganu yiṁdarum̐ juṭṭāle