(॥పల్లవి॥)
ఏమి బాఁతి నేఁడిదె నీకు మముఁ
గామించు సిరులింతె కదవయ్యా
(॥ఏమి॥)
వెనక ముందర వెలయఁగ ముందర-
వెనకలింతే విభవాలు
వనితల పిఱుఁదులు వాఁడికుచములు కొప్పు
కనుఁగొన భ్రమలింతె కదవయ్యా
(॥ఏమి॥)
వెలుఁగు చీఁకటి విరసాలు విభవాలు
కలిమిలేములే కదవయ్యా
పలువన్నె మాటలు పనితేటలు నివి
కలవెంత కలలింతె కదవయ్యా
(॥ఏమి॥)
పగటుగుబ్బలు పాయపునడపులు
తగులుమాఁటలు తమకయ్యా
తగు వేంకటగిరిదైవమ నీ పొందు
తగులు దొరకుటమృతము సోఁకుటయ్యా
(||pallavi||)
emi bām̐ti nem̐ḍidĕ nīgu mamum̐
gāmiṁchu siruliṁtĕ kadavayyā
(||emi||)
vĕnaga muṁdara vĕlayam̐ga muṁdara-
vĕnagaliṁte vibhavālu
vanidala piṟum̐dulu vām̐ḍigusamulu kŏppu
kanum̐gŏna bhramaliṁtĕ kadavayyā
(||emi||)
vĕlum̐gu sīm̐kaḍi virasālu vibhavālu
kalimilemule kadavayyā
paluvannĕ māḍalu panideḍalu nivi
kalavĕṁta kalaliṁtĕ kadavayyā
(||emi||)
pagaḍugubbalu pāyabunaḍabulu
tagulumām̐ṭalu tamagayyā
tagu veṁkaḍagiridaivama nī pŏṁdu
tagulu dŏraguḍamṛtamu som̐kuḍayyā