(॥పల్లవి॥)
ఏమీ నెఱఁగవు యిన్నాళ్ళు
నీ మతకము లివి నెగడెనే కదవే
(॥ఏమీ॥)
వాడిక మాఁటల వలపుల చేఁతలు
యేడ నేర్చితివే యీతనితో
వేడుక నవ్వులు వేసాల సొలపులు
చూడఁ జూడఁ గడు సోద్యము గదవే
(॥ఏమీ॥)
పాపట దువ్వులు పయ్యద మాఁటులు
పైపై నెటువలెఁ బనుపడేనే
చూపుల చొక్కులు సురతపు రేఁపులు
నీపాలఁ గలిగి నెలకొనెఁ గదవే
(॥ఏమీ॥)
తీగెల యెలుఁగులు తెగని గర్వములు
సాగి యేసబలఁ జదివితివే
యీగతి శ్రీవేంకటేశుఁడు న న్నేలె
నీ గతు లతనికి బాగాయఁ గదవే
(||pallavi||)
emī nĕṟam̐gavu yinnāḽḽu
nī madagamu livi nĕgaḍĕne kadave
(||emī||)
vāḍiga mām̐ṭala valabula sem̐talu
yeḍa nersidive yīdanido
veḍuga navvulu vesāla sŏlabulu
sūḍam̐ jūḍam̐ gaḍu sodyamu gadave
(||emī||)
pābaḍa duvvulu payyada mām̐ṭulu
paibai nĕḍuvalĕm̐ banubaḍene
sūbula sŏkkulu suradabu rem̐pulu
nībālam̐ galigi nĕlagŏnĕm̐ gadave
(||emī||)
tīgĕla yĕlum̐gulu tĕgani garvamulu
sāgi yesabalam̐ jadividive
yīgadi śhrīveṁkaḍeśhum̐ḍu na nnelĕ
nī gadu ladanigi bāgāyam̐ gadave