(॥పల్లవి॥)
ఏమే యిందు కెగ్గు లెంచఁ దగునా
కాముఁడు సేసినయట్టి కత లింతె కాక
(॥ఏమే॥)
నేనా తనతో నెమ్మిఁ గొసరేదాన తన్నుఁ
గానక యెదురుచూచె కన్నులు గాకా
కానీ కానిమ్మని కడుఁ బగ చాటితినా
వూని జంకించినవె బొమ్మలింతె కాకా
(॥ఏమే॥)
అలిగి తనతో నే నవ్వలిమో మౌదునా
చెలఁగి వంచినది నా సిరసె కాక
మలసి తనతోను మాటలాడ కుందునా
వెలసిన విరహపు పింతె కాక
(॥ఏమే॥)
పట్టఁగా నేనా పైకొనకుండేదాన
గుట్టుతోడ నుండెటి నా గుణము గాక
యిట్టె శ్రీ వెంకటేశుఁ డిన్నిటాను నన్నుఁ గూడె
పట్టిన నా నోము ఫల మింతె కాకా
(||pallavi||)
eme yiṁdu kĕggu lĕṁcham̐ dagunā
kāmum̐ḍu sesinayaṭṭi kada liṁtĕ kāga
(||eme||)
nenā tanado nĕmmim̐ gŏsaredāna tannum̐
gānaga yĕdurusūsĕ kannulu gāgā
kānī kānimmani kaḍum̐ baga sāḍidinā
vūni jaṁkiṁchinavĕ bŏmmaliṁtĕ kāgā
(||eme||)
aligi tanado ne navvalimo maudunā
sĕlam̐gi vaṁchinadi nā sirasĕ kāga
malasi tanadonu māḍalāḍa kuṁdunā
vĕlasina virahabu piṁtĕ kāga
(||eme||)
paṭṭam̐gā nenā paigŏnaguṁḍedāna
guṭṭudoḍa nuṁḍĕḍi nā guṇamu gāga
yiṭṭĕ śhrī vĕṁkaḍeśhum̐ ḍinniḍānu nannum̐ gūḍĕ
paṭṭina nā nomu phala miṁtĕ kāgā