ఏమే నేవచ్చి యిప్పుడెంత దడవాయనే
(॥పల్లవి॥)
ఏమే నేవచ్చి యిప్పుడెంత దడవాయనే
దీమసపుదానవు నేఁ దెమలించఁ గలనా
(॥ఏమే॥)
నిక్కిచూచి నన్నాతఁడు నీవద్దికిఁ బెట్టిపంపె
యెక్కడ నున్నది చిత్తమే మంటివే
కక్కసించి యడిగితే కంట నీరు వెట్టేవు
యెక్కడ గెలవవచ్చు నిటువంటివారిని
(॥ఏమే॥)
వాకిటఁ దా నిలుచుండి వడి నాతో సన్నసేసి
యీకడ నా కిఁక బుద్ధి యేమంటివే
పైకొని కొంగు వట్టితే బలిమి నుసు రనేవు
నీకు నీకే తెలుసునే నెరవాదితనము
(॥ఏమే॥)
యిదిగో శ్రీవెంకటేశుఁ డెచ్చరింపించి నాచేత
యెదుటనె పెనగొనీ నే మనేవే
పొదిగి కలసెఁ దానె పూఁచి నీవు నవ్వేవు
ముదమునఁ బను లెల్ల ముందువెన కాయనే
(||pallavi||)
eme nevachchi yippuḍĕṁta daḍavāyane
dīmasabudānavu nem̐ dĕmaliṁcham̐ galanā
(||eme||)
nikkisūsi nannādam̐ḍu nīvaddigim̐ bĕṭṭibaṁpĕ
yĕkkaḍa nunnadi sittame maṁṭive
kakkasiṁchi yaḍigide kaṁṭa nīru vĕṭṭevu
yĕkkaḍa gĕlavavachchu niḍuvaṁṭivārini
(||eme||)
vāgiḍam̐ dā nilusuṁḍi vaḍi nādo sannasesi
yīgaḍa nā kim̐ka buddhi yemaṁṭive
paigŏni kŏṁgu vaṭṭide balimi nusu ranevu
nīgu nīge tĕlusune nĕravādidanamu
(||eme||)
yidigo śhrīvĕṁkaḍeśhum̐ ḍĕchchariṁpiṁchi nāseda
yĕduḍanĕ pĕnagŏnī ne maneve
pŏdigi kalasĕm̐ dānĕ pūm̐si nīvu navvevu
mudamunam̐ banu lĕlla muṁduvĕna kāyane