(॥పల్లవి॥)
ఎందుఁ జూచినఁ దనకు నిన్నియును నిట్లనే
కందులేని సుఖము కలనైన లేదు
(॥ఎందు॥)
సిరులు గలిగిన ఫలము చింతఁ బొరలనె కాని
సొలది సంతోష మించుకయైన లేదు
తరుణి గల ఫలము వేదనలఁ బొరలుటె కాని
నెరసులేని సుఖము నిమిషంబు లేదు
(॥ఎందు॥)
తనువుగల ఫలము పాతకము సేయనె కాని
అనువైన పుణ్యంబు అది యింత లేదు
మనసుగల ఫలము దుర్మతిఁబొందనే కాని
ఘనమనోజ్ఞాన సంగతి గొంత లేదు
(॥ఎందు॥)
చదువుగలిగిన ఫలము సంశయంబే కాని
సదమల జ్ఞాననిశ్చయ మింత లేదు
యిది యెరిఁగి తిరువేంకటేశ్వరునిఁ గొలిచినను
బ్రదుకు గలుగును భవము ప్రాణులకు లేదు
(||pallavi||)
ĕṁdum̐ jūsinam̐ danagu ninniyunu niṭlane
kaṁduleni sukhamu kalanaina ledu
(||ĕṁdu||)
sirulu galigina phalamu siṁtam̐ bŏralanĕ kāni
sŏladi saṁtoṣha miṁchugayaina ledu
taruṇi gala phalamu vedanalam̐ bŏraluḍĕ kāni
nĕrasuleni sukhamu nimiṣhaṁbu ledu
(||ĕṁdu||)
tanuvugala phalamu pādagamu seyanĕ kāni
anuvaina puṇyaṁbu adi yiṁta ledu
manasugala phalamu durmadim̐bŏṁdane kāni
ghanamanojñāna saṁgadi gŏṁta ledu
(||ĕṁdu||)
saduvugaligina phalamu saṁśhayaṁbe kāni
sadamala jñānaniśhchaya miṁta ledu
yidi yĕrim̐gi tiruveṁkaḍeśhvarunim̐ gŏlisinanu
bradugu galugunu bhavamu prāṇulagu ledu