ఎందుఁ గాఁపురము సేతు నేది నిజ మేది గల్ల
(॥పల్లవి॥)
ఎందుఁ గాఁపురము సేతు నేది నిజ మేది గల్ల
ముందర నొక్కదినమే మూఁడు గాలములు
(॥ఎందుఁ॥)
తనుభోగముల నివే తగ నొక లోకము
మనసులో తలపోఁత మరి యొక్క లోకము
యెనసిన కలలోని దిది యొక్క లోకము
మునుపు వెనకలివే మూఁడు లోకములు
(॥ఎందుఁ॥)
పంచభూతముల చేతిబంధ మొక్క దేహము
యెంచఁగ నూరుపుగాలి యిది యొక్క దేహము
కొంచక త్రిగుణములగురి సూక్ష్మ దేహము
ముంచె నిదె వొకటిలో మూఁడు దేహములు
(॥ఎందుఁ॥)
జీవునిలోపలివాఁడు శ్రీవేంకటేశుఁడు
తావై వెలినున్నవాఁడు తా నొక్కఁడే
శ్రీవేంకటాద్రిమీదఁ జెలఁగినాతఁ డీతడే
మూవంకల మముఁ గాచె మొక్కితి మాతనికి
(||pallavi||)
ĕṁdum̐ gām̐puramu sedu nedi nija medi galla
muṁdara nŏkkadiname mūm̐ḍu gālamulu
(||ĕṁdum̐||)
tanubhogamula nive taga nŏga logamu
manasulo talabom̐ta mari yŏkka logamu
yĕnasina kalaloni didi yŏkka logamu
munubu vĕnagalive mūm̐ḍu logamulu
(||ĕṁdum̐||)
paṁchabhūdamula sedibaṁdha mŏkka dehamu
yĕṁcham̐ga nūrubugāli yidi yŏkka dehamu
kŏṁchaga triguṇamulaguri sūkṣhma dehamu
muṁchĕ nidĕ vŏgaḍilo mūm̐ḍu dehamulu
(||ĕṁdum̐||)
jīvunilobalivām̐ḍu śhrīveṁkaḍeśhum̐ḍu
tāvai vĕlinunnavām̐ḍu tā nŏkkam̐ḍe
śhrīveṁkaḍādrimīdam̐ jĕlam̐ginādam̐ ḍīdaḍe
mūvaṁkala mamum̐ gāsĕ mŏkkidi mādanigi