(॥పల్లవి॥)
ఎందు వెదకనేల యే ప్రయాసాలు నేల
యిందే వున్నది బ్రదు కిహపరములకు
(॥ఎందు॥)
ముక్కోటి తీర్థములు ముకుందుదాసుల-
వొక్కపాదాంగుటమున నొలికీనిదే
మిక్కిలి జపతపాలు మించిన ప్రపన్నుల-
చిక్కని కృపాకటాక్షసీమ నున్నదిదివో
(॥ఎందు॥)
చేసేటి పుణ్యఫలాలు శ్రీవైష్ణవులచేత
రాసులై యిరుదెసల రాలీనివే
ఆసల విజ్ఞానార్థ మదివో ప్రపన్నుల-
భాసురపుఁ బెదవులఁ బాఁతి పైపై నున్నది
(॥ఎందు॥)
సకలదేవతలచే సాధించే వరములు
మొకరి తదియ్యులమూఁక నిదివో
వెకలి శ్రీవేంకటాద్రివిభుని మహిమలెల్లా
ప్రకటించి వీరి సల్లాపాన నున్నదిదివో
(||pallavi||)
ĕṁdu vĕdaganela ye prayāsālu nela
yiṁde vunnadi bradu kihabaramulagu
(||ĕṁdu||)
mukkoḍi tīrdhamulu muguṁdudāsula-
vŏkkabādāṁguḍamuna nŏligīnide
mikkili jabadabālu miṁchina prabannula-
sikkani kṛpāgaḍākṣhasīma nunnadidivo
(||ĕṁdu||)
seseḍi puṇyaphalālu śhrīvaiṣhṇavulaseda
rāsulai yirudĕsala rālīnive
āsala vijñānārdha madivo prabannula-
bhāsurabum̐ bĕdavulam̐ bām̐ti paibai nunnadi
(||ĕṁdu||)
sagaladevadalase sādhiṁche varamulu
mŏgari tadiyyulamūm̐ka nidivo
vĕgali śhrīveṁkaḍādrivibhuni mahimalĕllā
pragaḍiṁchi vīri sallābāna nunnadidivo