ఎందరికిని వుత్తరమిచ్చేవు నీవు
(॥పల్లవి॥)
ఎందరికిని వుత్తరమిచ్చేవు నీవు
సందడించి వొక్కమాటే చల్లేరు సరసము
(॥ఎంద॥)
చెంతలనుండి నీవు సెలవుస నవ్వఁగాను
కాంత నీమొగముచూచి కన్నులార్చీని
వింతలు మీచేఁతలెల్లా వెలఁదులు చూచి తాము
దొంతిఁబెట్టి వలపులు తోడురేఁచుకొనిరి
(॥ఎంద॥)
పలుమారు నీమీఁదిపాటలు నీవు వాడఁగ
వెలఁది వీనుల విని వెరగందీని
కొలువువారెల్ల మీగురుతులు చూచి తాము
చలపట్టి అందరును చవిరేఁచుకొనిరి
(॥ఎంద॥)
శ్రీ వెంకటేశ రతికి చేతులు నీవు చాఁచఁగ
కావించి నిన్నునదిమీ కాంతచన్నుల
వోపరిలోనుండఁగాను వూడిగాలవారెల్ల
సేవలుచేసి మొక్కి చిమ్మిరేఁచుకొనిరి
(||pallavi||)
ĕṁdarigini vuttaramichchevu nīvu
saṁdaḍiṁchi vŏkkamāḍe salleru sarasamu
(||ĕṁda||)
sĕṁtalanuṁḍi nīvu sĕlavusa navvam̐gānu
kāṁta nīmŏgamusūsi kannulārsīni
viṁtalu mīsem̐talĕllā vĕlam̐dulu sūsi tāmu
dŏṁtim̐bĕṭṭi valabulu toḍurem̐sugŏniri
(||ĕṁda||)
palumāru nīmīm̐dibāḍalu nīvu vāḍam̐ga
vĕlam̐di vīnula vini vĕragaṁdīni
kŏluvuvārĕlla mīgurudulu sūsi tāmu
salabaṭṭi aṁdarunu savirem̐sugŏniri
(||ĕṁda||)
śhrī vĕṁkaḍeśha radigi sedulu nīvu sām̐sam̐ga
kāviṁchi ninnunadimī kāṁtasannula
vobarilonuṁḍam̐gānu vūḍigālavārĕlla
sevalusesi mŏkki simmirem̐sugŏniri