ఎందరితోఁ బెనఁగేను యెక్కడని పొరలేను
(॥పల్లవి॥)
ఎందరితోఁ బెనఁగేను యెక్కడని పొరలేను
కందర్పజనక నీవే గతిఁ గాక మాకు
(॥ఎంద॥)
నిక్కి నా బలవంతాన నే నే గెలిచేనంటే-
నొక్కపంచేంద్రియముల కోపఁగలనా
తక్కిన సంసారవార్ధి దాఁటఁగలనో మరి
దిక్కుల కర్మబంధము తెంచివేయఁగలనో
(॥ఎంద॥)
పన్నుకొన్న పాయమున పరము సాధించేనంటే
యెన్న నీ మాయ కుత్తర మియ్యఁగలనా
వన్నెల నా మనసే పంచుకోఁగలనో మరి
కన్నట్టి యీ ప్రపంచమే కడవఁగఁ గలనో
(॥ఎంద॥)
వుల్లములో నిన్ను ధ్యాన మొగి నేఁ జేసేనంటే
తొల్లిటి యజ్ఞానము తోయఁగలనా
ఇల్లి దే శ్రీవేంకటేశ యెదుటనే నీకు మొక్కి
బల్లిదుఁడ నౌదుఁగాక పంద నేఁ గాఁగలనా
(||pallavi||)
ĕṁdaridom̐ bĕnam̐genu yĕkkaḍani pŏralenu
kaṁdarbajanaga nīve gadim̐ gāga māgu
(||ĕṁda||)
nikki nā balavaṁtāna ne ne gĕlisenaṁṭe-
nŏkkabaṁcheṁdriyamula kobam̐galanā
takkina saṁsāravārdhi dām̐ṭam̐galano mari
dikkula karmabaṁdhamu tĕṁchiveyam̐galano
(||ĕṁda||)
pannugŏnna pāyamuna paramu sādhiṁchenaṁṭe
yĕnna nī māya kuttara miyyam̐galanā
vannĕla nā manase paṁchugom̐galano mari
kannaṭṭi yī prabaṁchame kaḍavam̐gam̐ galano
(||ĕṁda||)
vullamulo ninnu dhyāna mŏgi nem̐ jesenaṁṭe
tŏlliḍi yajñānamu toyam̐galanā
illi de śhrīveṁkaḍeśha yĕduḍane nīgu mŏkki
ballidum̐ḍa naudum̐gāga paṁda nem̐ gām̐galanā