(॥పల్లవి॥)
ఎందరి వెంటల నేఁగేము
చందపు హరి నీ శరణనియెదము
(॥ఎంద॥)
పెంచినఁబెరుఁగును పెక్కుబంధములు
తుంచినఁదునుఁగును దుఃఖములు
యెంచఁగనేటికి యింద్రియమహిమలు
చుంచుల హరి నీ సూత్రములివియే
(॥ఎంద॥)
పఱపినఁ బారును బహళపుటాసలు
తఱపినఁ దరగును తన మదము
వెఱవఁగనేఁటికి వెడకర్మములకు
కఱకులహరి నీ కల్పితమివియే
(॥ఎంద॥)
చేసినఁ జెలఁగును జిగి సంసారము
మూసిన ముణుఁగును మోహములు
యీసులఁ శ్రీవేంకటేశ్వర యివి నీ-
దాసులఁ దడవవు తగు నీమహిమ
(||pallavi||)
ĕṁdari vĕṁṭala nem̐gemu
saṁdabu hari nī śharaṇaniyĕdamu
(||ĕṁda||)
pĕṁchinam̐bĕrum̐gunu pĕkkubaṁdhamulu
tuṁchinam̐dunum̐gunu duḥkhamulu
yĕṁcham̐ganeḍigi yiṁdriyamahimalu
suṁchula hari nī sūtramuliviye
(||ĕṁda||)
paṟabinam̐ bārunu bahaḽabuḍāsalu
taṟabinam̐ daragunu tana madamu
vĕṟavam̐ganem̐ṭigi vĕḍagarmamulagu
kaṟagulahari nī kalbidamiviye
(||ĕṁda||)
sesinam̐ jĕlam̐gunu jigi saṁsāramu
mūsina muṇum̐gunu mohamulu
yīsulam̐ śhrīveṁkaḍeśhvara yivi nī-
dāsulam̐ daḍavavu tagu nīmahima