ఎందాఁకాఁ జూతుము నే మిటువంటి యాగడాలు
(॥పల్లవి॥)
ఎందాఁకాఁ జూతుము నే మిటువంటి యాగడాలు
అందిన చెలులము నే మాడకుండరాదు
(॥ఎందా॥)
వువిద తాఁ బెట్టె తొంటి వుంగర మిమ్మంటేను
యివల నింతదొరవు యేల తిట్టేవు
జవళిగన్నీరుతోడ చలపట్టుకుండఁగాను
తవిలి నీకింకా నేల దయపుట్టదు
(॥ఎందా॥)
నీలాగులుచూచి యాపె నీబాస వొప్పగించితే
కోలుముందుగా నేల కొంగువట్టేవు
తూలెటినెరులతోడ దోసిలించి మొక్కఁగాను
పాలుపడి దోసానకు భయమేలవుట్టదు
(॥ఎందా॥)
పడఁతి నీగుణాలకు పయ్యద బిగించుకొంటే
సడిఁబెట్టి నీవేల చన్నులంటేవు
తొడరి శ్రీవెంకటేశ దొమ్మిఁగలసితి వాపె
జడిసి గోరంటినా నెచ్చరి కేలపట్టదు
(||pallavi||)
ĕṁdām̐kām̐ jūdumu ne miḍuvaṁṭi yāgaḍālu
aṁdina sĕlulamu ne māḍaguṁḍarādu
(||ĕṁdā||)
vuvida tām̐ bĕṭṭĕ tŏṁṭi vuṁgara mimmaṁṭenu
yivala niṁtadŏravu yela tiṭṭevu
javaḽigannīrudoḍa salabaṭṭuguṁḍam̐gānu
tavili nīgiṁkā nela dayabuṭṭadu
(||ĕṁdā||)
nīlāgulusūsi yābĕ nībāsa vŏppagiṁchide
kolumuṁdugā nela kŏṁguvaṭṭevu
tūlĕḍinĕruladoḍa dosiliṁchi mŏkkam̐gānu
pālubaḍi dosānagu bhayamelavuṭṭadu
(||ĕṁdā||)
paḍam̐ti nīguṇālagu payyada bigiṁchugŏṁṭe
saḍim̐bĕṭṭi nīvela sannulaṁṭevu
tŏḍari śhrīvĕṁkaḍeśha dŏmmim̐galasidi vābĕ
jaḍisi goraṁṭinā nĕchchari kelabaṭṭadu