(॥పల్లవి॥)
ఎందాఁక నేచిత్త మేతలఁపో
ముందుముందు వేసారితి ములిగి వేసారితి
(॥ఎందా॥)
ఏమిసేతు నేడచొత్తు నేమని బోధింతును
నామాఁట విన దిదే నావిహరము
యేమరినాఁ దలఁపించీ నేమైనా గడించీ
సాముసేసి వేసారితి జడిసి వేసారితితి
(॥ఎందా॥)
యేడ చుట్టా లేడ బంధు లేడ పొందు లెవ్వరూ
తోడైనవారుఁ గారు దొంగలుఁ గారు
కూడుచీరగానిచోటై కొరగానిపాటై
వాడివాడి వేసారితి వదిలి వేసారతి
(॥ఎందా॥)
యెందునున్నాఁ డేమిసేసీ నెక్కడ భోగించీని
విందులకువిందయినవేంకటేశుఁడు
యిందరిహృదయములో నిరవై యున్నాఁ డతఁడు
చెంది నన్నుఁ గాచుఁగాక చెనకి వేసారితి
(||pallavi||)
ĕṁdām̐ka nesitta medalam̐po
muṁdumuṁdu vesāridi muligi vesāridi
(||ĕṁdā||)
emisedu neḍasŏttu nemani bodhiṁtunu
nāmām̐ṭa vina dide nāviharamu
yemarinām̐ dalam̐piṁchī nemainā gaḍiṁchī
sāmusesi vesāridi jaḍisi vesāriditi
(||ĕṁdā||)
yeḍa suṭṭā leḍa baṁdhu leḍa pŏṁdu lĕvvarū
toḍainavārum̐ gāru dŏṁgalum̐ gāru
kūḍusīragānisoḍai kŏragānibāḍai
vāḍivāḍi vesāridi vadili vesāradi
(||ĕṁdā||)
yĕṁdununnām̐ ḍemisesī nĕkkaḍa bhogiṁchīni
viṁdulaguviṁdayinaveṁkaḍeśhum̐ḍu
yiṁdarihṛdayamulo niravai yunnām̐ ḍadam̐ḍu
sĕṁdi nannum̐ gāsum̐gāga sĕnagi vesāridi