ఎంచి చూచితే నితని కెవ్వ రెదురు
(॥పల్లవి॥)
ఎంచి చూచితే నితని కెవ్వ రెదురు
కొంచఁ డేమిటికి వీఁడె ఘోరనారసింహుఁడు
(॥ఎంచి॥)
గక్కన నహోబలాన కంబములోన వెడలి
వుక్కుమీరి హిరణ్యుని నొడిసిపట్టి
చెక్కలువార గోళ్లఁ జించి చెండాడినయట్టి-
వెక్కసీఁడు వీఁడివో వీర నారసింహుఁడు
(॥ఎంచి॥)
భవనాసి యేటిదండఁ బాదుకొని కూచుండి
జవళి దైత్యుపేగులు జందేలు వేసి
భువియుదివియు నొక్కపొడవుతో నిండుకొని
తివురుచున్నాఁడు వీఁడె దివ్య నారసింహుఁడు
(॥ఎంచి॥)
కదిసి శ్రీసతి గూడి గద్దెమీఁదఁ గూచుండి
యెదుటఁ బ్రహ్లాదుఁడు చేయేత్తి మొక్కఁగా
అదన శ్రీవేంకటాద్రి నందరికి వరాలిచ్చి
సదరమైనాఁడు వీఁడె శాంత నారసింహుఁడు
(||pallavi||)
ĕṁchi sūside nidani kĕvva rĕduru
kŏṁcham̐ ḍemiḍigi vīm̐ḍĕ ghoranārasiṁhum̐ḍu
(||ĕṁchi||)
gakkana nahobalāna kaṁbamulona vĕḍali
vukkumīri hiraṇyuni nŏḍisibaṭṭi
sĕkkaluvāra goḽlam̐ jiṁchi sĕṁḍāḍinayaṭṭi-
vĕkkasīm̐ḍu vīm̐ḍivo vīra nārasiṁhum̐ḍu
(||ĕṁchi||)
bhavanāsi yeḍidaṁḍam̐ bādugŏni kūsuṁḍi
javaḽi daityubegulu jaṁdelu vesi
bhuviyudiviyu nŏkkabŏḍavudo niṁḍugŏni
tivurusunnām̐ḍu vīm̐ḍĕ divya nārasiṁhum̐ḍu
(||ĕṁchi||)
kadisi śhrīsadi gūḍi gaddĕmīm̐dam̐ gūsuṁḍi
yĕduḍam̐ brahlādum̐ḍu seyetti mŏkkam̐gā
adana śhrīveṁkaḍādri naṁdarigi varālichchi
sadaramainām̐ḍu vīm̐ḍĕ śhāṁta nārasiṁhum̐ḍu