(॥పల్లవి॥)
ఎంచి మీ చుట్టెరికము లిందులో దెలుసుఁగా
మించి నడచితి రైన మీకు మీ యాన
(॥ఎంచి॥)
యేలా చల్లనిగాలి యింతి నేఁచ నేఁటికి
జాలి రేఁచితైన నీకు చందన మాన
మేలిమి తుమ్మిదలాల మెలుఁత వోరువ లేదు
కోలుముందై కూసిన మీకులము నాన
(॥ఎంచి॥)
మదనుఁడా చెలిమీఁద మానవయ్య కోపము
పదరితి వైన పంచబాణము లాన
పొదలినా చందమామ పున్నమవెన్నెల గాసి
కదిసి యెంచితి వైన కలువ లాన
(॥ఎంచి॥)
చక్కని కోవిలలాల జవరా లోపఁగ లేదు
చిక్కని కూఁత రేఁచితే చిగురు లాన
గక్కన నింతిని శ్రీవెంకటనాథుఁడు గూడె
మక్కువ నిందరికిని మానితి నాన
(||pallavi||)
ĕṁchi mī suṭṭĕrigamu liṁdulo dĕlusum̐gā
miṁchi naḍasidi raina mīgu mī yāna
(||ĕṁchi||)
yelā sallanigāli yiṁti nem̐sa nem̐ṭigi
jāli rem̐sidaina nīgu saṁdana māna
melimi tummidalāla mĕlum̐ta voruva ledu
kolumuṁdai kūsina mīgulamu nāna
(||ĕṁchi||)
madanum̐ḍā sĕlimīm̐da mānavayya kobamu
padaridi vaina paṁchabāṇamu lāna
pŏdalinā saṁdamāma punnamavĕnnĕla gāsi
kadisi yĕṁchidi vaina kaluva lāna
(||ĕṁchi||)
sakkani kovilalāla javarā lobam̐ga ledu
sikkani kūm̐ta rem̐side siguru lāna
gakkana niṁtini śhrīvĕṁkaḍanāthum̐ḍu gūḍĕ
makkuva niṁdarigini mānidi nāna