(॥పల్లవి॥)
ఏమయ్యా నేమంతేసి యెఱఁగనివారమా
కామించితే నీ మాట కాదనఁగఁ దరమా
(॥ఏమ॥)
సలిగెంత గలిగినా సరస మాడుటెకాక
మెలఁగి నీకంటె మితిమీరవచ్చునా
వలపు మిక్కిలియైతె వసమై చొక్కుటగాక
కలఁచి కలఁచి నిన్నుఁ గక్కసించఁదగునా
(॥ఏమ॥)
నగవెంత దఱచైన ననుపై యుండుటగాక
మిగులా మందెమేళాల మించనగునా
మొగమెంత చూచినా మొక్కులె మొక్కుటగాక
యెగసక్యాలకు నిన్ను యేఁపఁదీరునా
(॥ఏమ॥)
నీవెంత మన్నించినా నిన్నిట్టె కూడుటగాక
చేవదేర నిన్నుఁ బచ్చి సేయఁగూడునా
యీవేళ శ్రీవెంకటేశ యేలితి విటు నన్ను
ఆవటించి నిన్ను రతి నలయించఁజెల్లునా
(||pallavi||)
emayyā nemaṁtesi yĕṟam̐ganivāramā
kāmiṁchide nī māḍa kādanam̐gam̐ daramā
(||ema||)
saligĕṁta galiginā sarasa māḍuḍĕgāga
mĕlam̐gi nīgaṁṭĕ midimīravachchunā
valabu mikkiliyaidĕ vasamai sŏkkuḍagāga
kalam̐si kalam̐si ninnum̐ gakkasiṁcham̐dagunā
(||ema||)
nagavĕṁta daṟasaina nanubai yuṁḍuḍagāga
migulā maṁdĕmeḽāla miṁchanagunā
mŏgamĕṁta sūsinā mŏkkulĕ mŏkkuḍagāga
yĕgasakyālagu ninnu yem̐pam̐dīrunā
(||ema||)
nīvĕṁta manniṁchinā ninniṭṭĕ kūḍuḍagāga
sevadera ninnum̐ bachchi seyam̐gūḍunā
yīveḽa śhrīvĕṁkaḍeśha yelidi viḍu nannu
āvaḍiṁchi ninnu radi nalayiṁcham̐jĕllunā