(॥పల్లవి॥)
ఏమయ్యా నీవెరఁగవా యింతి గుణమెల్లాను
కామించి నీదేవులాయఁ గడమలు గలవా
(॥ఏమ॥)
సతులెంతైనా దీమసమే చూపుదురుగాక
తతిఁ దమవాసి వన్నె దప్పఁగలరా
పతి యెట్టు నడపినాఁ బరిణామింతురుగాక
బతిమాలి సవతుల పంగెనకుఁ జొత్తురా
(॥ఏమ॥)
నెట్టున దొరతనమే నెరపఁ జూతురుగాక
గుట్టువిడువ నేర్తురా గుణవతులు
దట్టుపుమానముతోనే తగురై వుందురుగాక
తొట్టి సిగ్గులు విడుతురా యెప్పుడును
(॥ఏమ॥)
వెలలేని పంతముల విఱ్ఱవీఁగుదురు గాక
అలసి లోఁగుదురా అందరిలోన
యెలమి శ్రీవెంకటేశ యీకెనిట్టె యేలితివి
బలిమి మానుదురా నిబ్బరమైన రతిని
(||pallavi||)
emayyā nīvĕram̐gavā yiṁti guṇamĕllānu
kāmiṁchi nīdevulāyam̐ gaḍamalu galavā
(||ema||)
sadulĕṁtainā dīmasame sūbudurugāga
tadim̐ damavāsi vannĕ dappam̐galarā
padi yĕṭṭu naḍabinām̐ bariṇāmiṁturugāga
badimāli savadula paṁgĕnagum̐ jŏtturā
(||ema||)
nĕṭṭuna dŏradaname nĕrabam̐ jūdurugāga
guṭṭuviḍuva nerdurā guṇavadulu
daṭṭubumānamudone tagurai vuṁdurugāga
tŏṭṭi siggulu viḍudurā yĕppuḍunu
(||ema||)
vĕlaleni paṁtamula viṭravīm̐guduru gāga
alasi lom̐gudurā aṁdarilona
yĕlami śhrīvĕṁkaḍeśha yīgĕniṭṭĕ yelidivi
balimi mānudurā nibbaramaina radini