(॥పల్లవి॥)
ఏమరక తలఁచరో యిదే చాలు
కామించినవి యెల్లఁ గక్కుననే కలుగు
(॥ఏమ॥)
దురితములెల్లఁ దీరు దుఃఖములెల్ల నణఁగు
హరియని వొకమాఁటు అన్నాఁజాలు
సురలు వూజింతురు సిరులెల్లఁ జేరును
మరుగురునామ మటు పరుకొన్నఁ జాలు
(॥ఏమ॥)
భవములిన్నియుఁ బాయు పరము నిహముఁజేరు
అవల నారాయణయన్నాఁ జాలు
భువి యెల్లాఁ దానేలు పుణ్యములిన్నియుఁజేరు
తవిలి గోవిందు నాత్మఁదలఁచినఁ జాలు
(॥ఏమ॥)
ఆనందము గలుగు నజ్ఞానమెల్లఁ బాయు
ఆనుక శ్రీ వేంకటేశ యన్నాఁ జాలు
యీ నెపాన నారదాదు లిందరు నిందుకు సాక్షి
దానవారి మంత్రజప తపమే చాలు
(||pallavi||)
emaraga talam̐saro yide sālu
kāmiṁchinavi yĕllam̐ gakkunane kalugu
(||ema||)
duridamulĕllam̐ dīru duḥkhamulĕlla naṇam̐gu
hariyani vŏgamām̐ṭu annām̐jālu
suralu vūjiṁturu sirulĕllam̐ jerunu
marugurunāma maḍu parugŏnnam̐ jālu
(||ema||)
bhavamulinniyum̐ bāyu paramu nihamum̐jeru
avala nārāyaṇayannām̐ jālu
bhuvi yĕllām̐ dānelu puṇyamulinniyum̐jeru
tavili goviṁdu nātmam̐dalam̐sinam̐ jālu
(||ema||)
ānaṁdamu galugu najñānamĕllam̐ bāyu
ānuga śhrī veṁkaḍeśha yannām̐ jālu
yī nĕbāna nāradādu liṁdaru niṁdugu sākṣhi
dānavāri maṁtrajaba tabame sālu