ఏమని వూరడించేవో యిఁక నీచిత్తముకొద్ది
(॥పల్లవి॥)
ఏమని వూరడించేవో యిఁక నీచిత్తముకొద్ది
దామెన తిట్లతోడ తల వంచీనదివో
(॥ఏమని॥)
చెలి నినుఁ జేరవచ్చి చేతులెత్తి మొక్కగా
చెలరేఁగి చన్నులపైఁ జేయి చాఁచేవు
వెలఁదితో నవ్వులకు వేళావేళలు లేవా
సెలవుల నవ్వులనె సిగ్గుపడీనదివో
(॥ఏమని॥)
అంగన బాగాలిచ్చి ఆకు మడిచీయఁగానా
యెంగిలి సేసేవు మోవి యిందరిలోన
గుంగిలి సరసాలకు కొంతైనా మరఁగువద్దా
సంగతి గాదని నీతో సన్నసేసీనదివో
(॥ఏమని॥)
వువిద పైపై నీకు వూడిగాలు సేయఁగానా
జవళిఁ బాదాలు చాఁచి సారె పంచేవు
కవగూడితివి శ్రీవేంకటేశ తగవే కదా
పవళించి యింకా నీతో పంతమాడీనదివో
(||pallavi||)
emani vūraḍiṁchevo yim̐ka nīsittamugŏddi
dāmĕna tiṭladoḍa tala vaṁchīnadivo
(||emani||)
sĕli ninum̐ jeravachchi sedulĕtti mŏkkagā
sĕlarem̐gi sannulabaim̐ jeyi sām̐sevu
vĕlam̐dido navvulagu veḽāveḽalu levā
sĕlavula navvulanĕ siggubaḍīnadivo
(||emani||)
aṁgana bāgālichchi āgu maḍisīyam̐gānā
yĕṁgili sesevu movi yiṁdarilona
guṁgili sarasālagu kŏṁtainā maram̐guvaddā
saṁgadi gādani nīdo sannasesīnadivo
(||emani||)
vuvida paibai nīgu vūḍigālu seyam̐gānā
javaḽim̐ bādālu sām̐si sārĕ paṁchevu
kavagūḍidivi śhrīveṁkaḍeśha tagave kadā
pavaḽiṁchi yiṁkā nīdo paṁtamāḍīnadivo