(॥పల్లవి॥)
ఏమని విన్నవించేము యిన్నిటా జాణవు నీవు
కామిని భావము చూచి కరుణించవయ్యా
(॥ఏమని॥)
తలఁపులు వలపులు తరుణిపులక లాయ
సొలసి యాసలు కనుచూపులాయను
పిలిచేటి పిలుపులు పెదవిపై నవ్వులాయ
నెలఁతభాగ్యములిఁక నీ చేతివయ్యా
(॥ఏమని॥)
కోరినకోరికలెల్ల గుబ్బలమెరుఁగులాయ
పైరడిఁ గరఁగులెల్లఁ జెంజెమటాయ
నేరిచిన విన్నపాలు నిండునివ్వెరగులాయ
ధీరుఁడవిన్నిపనులుఁ దెలుకోవయ్యా
(॥ఏమని॥)
కందువతమకములు కాఁగిటిలో రతులాయ
ముందువెనకటిచింత ముచ్చటాయను
యిందులోనె శ్రీ వెంకటేశ యింతిఁ గూడితివి
విందుల విభవముల వెలసితివయ్యా
(||pallavi||)
emani vinnaviṁchemu yinniḍā jāṇavu nīvu
kāmini bhāvamu sūsi karuṇiṁchavayyā
(||emani||)
talam̐pulu valabulu taruṇibulaga lāya
sŏlasi yāsalu kanusūbulāyanu
piliseḍi pilubulu pĕdavibai navvulāya
nĕlam̐tabhāgyamulim̐ka nī sedivayyā
(||emani||)
korinagorigalĕlla gubbalamĕrum̐gulāya
pairaḍim̐ garam̐gulĕllam̐ jĕṁjĕmaḍāya
nerisina vinnabālu niṁḍunivvĕragulāya
dhīrum̐ḍavinnibanulum̐ dĕlugovayyā
(||emani||)
kaṁduvadamagamulu kām̐giḍilo radulāya
muṁduvĕnagaḍisiṁta muchchaḍāyanu
yiṁdulonĕ śhrī vĕṁkaḍeśha yiṁtim̐ gūḍidivi
viṁdula vibhavamula vĕlasidivayyā