(॥పల్లవి॥)
ఏమని చెప్పీనో కాక యిలఁగల శాస్త్రాలు
కామించి వాదించేవారి కడ మేదో
(॥ఏమ॥)
అంచెల జగములకు హరియే ఆధారము
యెంచఁగ నాధారము యితని కేదో
పొంచిన వేదార్థముల పురుషార్థ మీతఁడు
నించిన యర్థము యీతనికి నేదో
(॥ఏమ॥)
పొందిన ప్రాణులకెల్లా పుట్టుగైనాఁ డితఁడు
యెందును తనకుఁ బుట్టుగిఁక నేడో
చందపుఁ గర్మములకు సాధన మీదేవుఁడు
మందలించ సాధనము మరి తనకేదో
(॥ఏమ॥)
కలయన్ని మాయలకుఁ గారణ మీ మూరితి
తలపఁగ కారణము తనకేదో
యెలమి శ్రీవేంకటేశుఁ డితఁడే సర్వసాక్షి
మలసి యీతని కిఁక మరి సాక్షి యేదో
(||pallavi||)
emani sĕppīno kāga yilam̐gala śhāstrālu
kāmiṁchi vādiṁchevāri kaḍa medo
(||ema||)
aṁchĕla jagamulagu hariye ādhāramu
yĕṁcham̐ga nādhāramu yidani kedo
pŏṁchina vedārdhamula puruṣhārdha mīdam̐ḍu
niṁchina yardhamu yīdanigi nedo
(||ema||)
pŏṁdina prāṇulagĕllā puṭṭugainām̐ ḍidam̐ḍu
yĕṁdunu tanagum̐ buṭṭugim̐ka neḍo
saṁdabum̐ garmamulagu sādhana mīdevum̐ḍu
maṁdaliṁcha sādhanamu mari tanagedo
(||ema||)
kalayanni māyalagum̐ gāraṇa mī mūridi
talabam̐ga kāraṇamu tanagedo
yĕlami śhrīveṁkaḍeśhum̐ ḍidam̐ḍe sarvasākṣhi
malasi yīdani kim̐ka mari sākṣhi yedo