(॥పల్లవి॥)
ఏమని చెప్పెద నిటమీఁద హరీ
శ్రీ మంతుఁడ నినుఁ జేరితి మిదివో
(॥ఏమని॥)
వినుచున్నారము వెనకటిపాట్లు
కనుచున్నారము కలఁగేటివారల
దిన దిన భావము తెలిసీఁ దెలియదు
మనసున భయ మిసుమంతయు లేదు
(॥ఏమని॥)
భువి నెరుఁగుదు మిదె పుట్టెడి దెసలను
తవిలి మరణములు దలఁచెద మట్లనె
వివరపు టాసలు విడిచీ విడువవు
నవమగు విరక్తి నాఁటదు వోయె
(॥ఏమని॥)
చదివెద మిదివో సకల శాస్త్రములు
వెదకెద మిదె శ్రీ వేంకటేశ నిను
మదిలోనుండగఁ మరచివుంటి మిదె
యెదుటఁగంటి మిఁక యేలాపనులు
(||pallavi||)
emani sĕppĕda niḍamīm̐da harī
śhrī maṁtum̐ḍa ninum̐ jeridi midivo
(||emani||)
vinusunnāramu vĕnagaḍibāṭlu
kanusunnāramu kalam̐geḍivārala
dina dina bhāvamu tĕlisīm̐ dĕliyadu
manasuna bhaya misumaṁtayu ledu
(||emani||)
bhuvi nĕrum̐gudu midĕ puṭṭĕḍi dĕsalanu
tavili maraṇamulu dalam̐sĕda maṭlanĕ
vivarabu ṭāsalu viḍisī viḍuvavu
navamagu virakti nām̐ṭadu voyĕ
(||emani||)
sadivĕda midivo sagala śhāstramulu
vĕdagĕda midĕ śhrī veṁkaḍeśha ninu
madilonuṁḍagam̐ marasivuṁṭi midĕ
yĕduḍam̐gaṁṭi mim̐ka yelābanulu