ఏమని చెప్పఁగవచ్చు యింతా నీ భాగ్యమే
(॥పల్లవి॥)
ఏమని చెప్పఁగవచ్చు యింతా నీ భాగ్యమే
వేమారు నెంచి చూచితే వింతలై నిలుచును
(॥ఏమ॥)
ధరలోఁ గప్పురమందరికిఁ జల్లనైయుండు
విరహులకైతేను వేఁడై యుండును
తరుణులకు నవ్వులు తగవినోదమైయుండు
కెరలించ నీకవే వెంగెములై పరగును
(॥ఏమ॥)
ఇమ్ముల సంపంగిపూవులిందరికితవై యుండు
తుమ్మిదలకైతేనే దొరయకుండు
కొమ్మలకు జంకెనలు కోరి సింగారాలై యుండు
వుమ్మడి నీకైతే మర్మాలొరయుచుండును
(॥ఏమ॥)
భూమికెల్లాఁ జందమామ పొసఁగించు వేడుకలు
తామరలకైతేనే తలవంపులు
కామించి శ్రీ వేంకటేశ గక్కన నన్నేలితివి
యీమేలు నీకైతేను యియ్యకోలై యుండను
(||pallavi||)
emani sĕppam̐gavachchu yiṁtā nī bhāgyame
vemāru nĕṁchi sūside viṁtalai nilusunu
(||ema||)
dharalom̐ gappuramaṁdarigim̐ jallanaiyuṁḍu
virahulagaidenu vem̐ḍai yuṁḍunu
taruṇulagu navvulu tagavinodamaiyuṁḍu
kĕraliṁcha nīgave vĕṁgĕmulai paragunu
(||ema||)
immula saṁpaṁgibūvuliṁdarigidavai yuṁḍu
tummidalagaidene dŏrayaguṁḍu
kŏmmalagu jaṁkĕnalu kori siṁgārālai yuṁḍu
vummaḍi nīgaide marmālŏrayusuṁḍunu
(||ema||)
bhūmigĕllām̐ jaṁdamāma pŏsam̐giṁchu veḍugalu
tāmaralagaidene talavaṁpulu
kāmiṁchi śhrī veṁkaḍeśha gakkana nannelidivi
yīmelu nīgaidenu yiyyagolai yuṁḍanu