(॥పల్లవి॥)
ఏమని చెప్పగవచ్చు నీసంతోషవుసుద్ది
నామము శ్రీకృష్ణుఁడట నారాయణునికి
(॥ఏమ॥)
జనని దేవకిదేవి జనకుఁడు వసుదేవుఁ-
డనఘుడైనయట్టి ఆదిమూర్తికి
ఘనలోకరక్షణ కంసుమామ గండమును
తనకుఁ గారణమట దైవశిఖామణికి
(॥ఏమ॥)
పుట్టినది మధుర పెంపుడుఁజోటు రేపల్లె
వొట్టిన మాయల పురుషోత్తమునికి
పట్టిన పాండవపక్షపాతము కౌరవవైర-
మిట్టి వ్రాఁతఫలమట యీశ్వరేశ్వరునికి
(॥ఏమ॥)
గోవులఁ గాచేదియు గొల్లెతలఁ బొందేదియు
ఆవేళ గుణము యీ యచ్యుతునికి
శ్రావణబహుళాష్టమి చంద్రోదయము రోహిణి
కావింప జన్మమిదివో శ్రీవేంకటపతికి
(||pallavi||)
emani sĕppagavachchu nīsaṁtoṣhavusuddi
nāmamu śhrīkṛṣhṇum̐ḍaḍa nārāyaṇunigi
(||ema||)
janani devagidevi janagum̐ḍu vasudevum̐-
ḍanaghuḍainayaṭṭi ādimūrdigi
ghanalogarakṣhaṇa kaṁsumāma gaṁḍamunu
tanagum̐ gāraṇamaḍa daivaśhikhāmaṇigi
(||ema||)
puṭṭinadi madhura pĕṁpuḍum̐joḍu reballĕ
vŏṭṭina māyala puruṣhottamunigi
paṭṭina pāṁḍavabakṣhabādamu kauravavaira-
miṭṭi vrām̐taphalamaḍa yīśhvareśhvarunigi
(||ema||)
govulam̐ gāsediyu gŏllĕdalam̐ bŏṁdediyu
āveḽa guṇamu yī yachyudunigi
śhrāvaṇabahuḽāṣhṭami saṁdrodayamu rohiṇi
kāviṁpa janmamidivo śhrīveṁkaḍabadigi