(॥పల్లవి॥)
ఏమని పొగడుదు నిట్టి నీగుణము
యీ మహిమకుఁ బ్రతి యితరులు గలరా
(॥ఏమ॥)
నిండెను జగముల నీ ప్రతాపములు
చెండిన బాణునిచేతులతో
కొండలంతలై కుప్పలువడియెను
వండఁదరగు రావణుతలలయి
(॥ఏమ॥)
పూడెను జలధులు పొరిఁ గోపించిన
తోడ బ్రహ్మాండము తూఁటాయ
చూడఁ బాతాళము చొచ్చె బలీంద్రుఁడు
కూడిన కౌరవకులములు నడఁగె
(॥ఏమ॥)
యెత్తితివి జగము లీరేడు నొకపరి
యిత్తల నభయం బిచ్చితివి
హత్తిన శ్రీవేంకటాధిప నీకృప
నిత్తెమాయ నీనిజదాసులకు
(||pallavi||)
emani pŏgaḍudu niṭṭi nīguṇamu
yī mahimagum̐ bradi yidarulu galarā
(||ema||)
niṁḍĕnu jagamula nī pradābamulu
sĕṁḍina bāṇunisedulado
kŏṁḍalaṁtalai kuppaluvaḍiyĕnu
vaṁḍam̐daragu rāvaṇudalalayi
(||ema||)
pūḍĕnu jaladhulu pŏrim̐ gobiṁchina
toḍa brahmāṁḍamu tūm̐ṭāya
sūḍam̐ bādāḽamu sŏchchĕ balīṁdrum̐ḍu
kūḍina kauravagulamulu naḍam̐gĕ
(||ema||)
yĕttidivi jagamu līreḍu nŏgabari
yittala nabhayaṁ bichchidivi
hattina śhrīveṁkaḍādhiba nīkṛpa
nittĕmāya nīnijadāsulagu