(॥పల్లవి॥)
ఏమని పొగడుదమె యీ చెలి చక్కఁదనము
యీ మేఁటి యలమేల్మంగ యెక్కువై తా నిలిచె
(॥ఏమ॥)
అరచంద్రుఁడుఁ జకోరాలద్దాలు సంపెఁగయు
ధర శింగిణులు శ్రీలు తలిరులును
అరుదుగాఁ దుమ్మిదలుసందముగాఁ గూడఁగాను
మరుతల్లి యలమేలుమంగమోమై నిలిచె
(॥ఏమ॥)
బిసములు శంఖమును పెనుఁజక్రవాకములా
కసము నీలపుఁజేరు కరికుంభాలు
పొసఁగ నివెల్లానొకపోఁడియై నిలువఁగాను
మసలక అలమేలుమంగమేనై నిలిచె
(॥ఏమ॥)
అనఁటులంపపొదులు నబ్జములు ముత్తేలు
వొనరి వరుసఁ గూడి వుండఁగాను
ఘనుఁడైన శ్రీ వెంకటేశునురముమీఁద
పనుపడలమేల్మంగ పాదములై నిలిచె
(||pallavi||)
emani pŏgaḍudamĕ yī sĕli sakkam̐danamu
yī mem̐ṭi yalamelmaṁga yĕkkuvai tā nilisĕ
(||ema||)
arasaṁdrum̐ḍum̐ jagorāladdālu saṁpĕm̐gayu
dhara śhiṁgiṇulu śhrīlu talirulunu
arudugām̐ dummidalusaṁdamugām̐ gūḍam̐gānu
marudalli yalamelumaṁgamomai nilisĕ
(||ema||)
bisamulu śhaṁkhamunu pĕnum̐jakravāgamulā
kasamu nīlabum̐jeru kariguṁbhālu
pŏsam̐ga nivĕllānŏgabom̐ḍiyai niluvam̐gānu
masalaga alamelumaṁgamenai nilisĕ
(||ema||)
anam̐ṭulaṁpabŏdulu nabjamulu muttelu
vŏnari varusam̐ gūḍi vuṁḍam̐gānu
ghanum̐ḍaina śhrī vĕṁkaḍeśhunuramumīm̐da
panubaḍalamelmaṁga pādamulai nilisĕ