(॥పల్లవి॥)
ఏమని పొగడవచ్చు నీతని ప్రభావము
వేమరు నో పుణ్యులాల వినరో యీ కతలు
(॥ఏమ॥)
అనంత సూర్య తేజుఁడట కాంతి చెప్ప నెంత
దనుజాంతకుఁడట ప్రతాప మెంత
మనసిజ గురుఁడట మరి చక్కఁదన మెంత
వనజజుఁగనినట్టి వాఁడట ఘన తెంత
(॥ఏమ॥)
గంగా జనకుఁడట కడుఁ జెప్పే పుణ్య మెంత
చెంగట భూ కాంతుఁడట సింగార మెంత
రంగగు లక్ష్మీశుఁడట రాజసము లెంచ నెంత
అంగవించు సర్వేశుఁడట సంప దెంత
(॥ఏమ॥)
మాయానాథుఁడట మహిమ వచించు టెంత
యేయెడఁ దా విష్ణుఁడట యిర వెంత
పాయక శ్రీ వేంకటాద్రిపతియై వరములచ్చే
వేయి రూపులవాఁడట విస్తార మెంత
(||pallavi||)
emani pŏgaḍavachchu nīdani prabhāvamu
vemaru no puṇyulāla vinaro yī kadalu
(||ema||)
anaṁta sūrya tejum̐ḍaḍa kāṁti sĕppa nĕṁta
danujāṁtagum̐ḍaḍa pradāba mĕṁta
manasija gurum̐ḍaḍa mari sakkam̐dana mĕṁta
vanajajum̐ganinaṭṭi vām̐ḍaḍa ghana tĕṁta
(||ema||)
gaṁgā janagum̐ḍaḍa kaḍum̐ jĕppe puṇya mĕṁta
sĕṁgaḍa bhū kāṁtum̐ḍaḍa siṁgāra mĕṁta
raṁgagu lakṣhmīśhum̐ḍaḍa rājasamu lĕṁcha nĕṁta
aṁgaviṁchu sarveśhum̐ḍaḍa saṁpa dĕṁta
(||ema||)
māyānāthum̐ḍaḍa mahima vasiṁchu ṭĕṁta
yeyĕḍam̐ dā viṣhṇum̐ḍaḍa yira vĕṁta
pāyaga śhrī veṁkaḍādribadiyai varamulachche
veyi rūbulavām̐ḍaḍa vistāra mĕṁta